Solo Performance Festival
Leikur einn á Suðureyri
Kómedíuleikhúsið Hafa samband English
Dagskrá Hátíðin Fréttir
mánudagurinn 12. ágúst 2019 | Elfar Logi Hannesson

Stærsta Actið frá upphafi

Fullt hús
Fullt hús

Þá er hátíðinni Act Alone árið 2019 lokið. Hátíðin í ár var sú stærsta og viðamest til þessa, boðið var uppá 33 viðburði fyrir alla aldurshópa og hefur fjölbreytnin sjaldan verðið jafn mikil. Boðið var uppá fjölmarga einleiki, þrenna tónleika, trúðaleiki, uppistand frá nýlega kosnum fyndnasta manni vestfjarða, myndlistar- og hönnunarsýningar og mætti Náttúrubarnaskólinn vinsæli á Ströndum á staðinn og gengu börn og fullorðnir þar saman um Suðureyri og skoðuðu og fræddust um fallega náttúrú staðarins. Á laugardeginum var vegleg dagskrá fyrir börnin sem fjölmennt var á. Mikið var hlegið á trúðaskemmtununum og fylgdust börnin dáleidd á sýningunni um Dimmalimm.

Þriðja árið í röð var listamaður Ísafjarðarbæjar tilkynntur á hátíðinni og var það teiknarinn og myndlistarmaðurinn Ómar Smári Kristinsson sem útnefdur var þetta árið fyrir ómetanlegt framlag hans til listalífs Ísafjarðar bæjar. Fjölmennt var á viðburði ársins sem sýndir voru bæði í félagsheimilinu á Suðureyri og í Þurkverinu svokallaða. Fullt var útúr dyrum á lokaviðburð hátíðinar þar sem Magnús Þór Sigmundsson skemmti með sinni fallegu tónlist.

Við þökkum hátíðar gestum kærlega fyrir okkur og sjáumst aftur að ári á Act Alone 2020 sem haldin verður þann 7.-9. ágúst og er þegar byrjað að bóka listamenn fyrir næstu hátíð.

föstudagurinn 12. júlí 2019 | Elfar Logi Hannesson

16 og þú skalt sjá mig.......

Ein stök dagskrá og allt ókeypis
Ein stök dagskrá og allt ókeypis

Act alone er nú orðinn táningur. Heilla 16 ára sem gerir okkur að langelstu leiklistarhátíð landsins. Við erum líka alvestfirsk erum einsog Gísli Súrsson förum ekkert útfyrir Vestfirðina. Byrjuðum á Ísafirði árið 2004 en fluttum búferlum í næsta fjörð árið 2012 í sjávarþorpið Suðureyri. Sem gárungarnir nefna í dag einleikjaþorpið. Það þótti því við hæfi að hafa fyrirsögn þessa greinakorns vestfirska, 16 og þú skalt sjá mig í bíó. Sem er einsog glöggir lesendur hafa líkalega löngu fattað tilvitnun í vinsælt dægurlag eftir vestfirsku sveitina Grafík. 

Það eru samt engir táningasælar í Actinu heldur ber hún aldurinn einsog hæfir og bara stækkar einsog hver annar táningur. Aldrei áður hefur dagskrá Actsins verið jafn vegleg og í ár. Yfir 30 viðburðir og það á þremur dögum. Það hafa líka aldrei áður borist jafn margar umsóknir frá listamönnum bæði innlendum sem erlendum og núna í ár. Dagskráin er jafn fjölbreytt og hún er vegleg. Leiksýningar, tónleikar, uppistand og allt. Dagskrána er hægt að kynna sér hér á heimasíðunni. 

Síðast en ekki síst þó engar stór fréttir. EN ÞAÐ ER ÓKEYPIS Á ACT ALONE. Einsog verið hefur frá upphafi. Þökk sé okkar ein stöku styrktaraðilum. 

Velkomin á Actið 8. - 10. ágúst 2019 á Suðureyri. 

þriðjudagurinn 18. desember 2018 | Elfar Logi Hannesson

Uppbyggingasjóður Vestfjarða og Landsbankinn styrkja Act alone

Frá afhendingu Samfélagsstyrks Landsbankans til handa Act alone
Frá afhendingu Samfélagsstyrks Landsbankans til handa Act alone

Þær dásamlegu fréttir bárust nú í lokamánuði þessa einstaka árs að Act alone fékk tvo rausnarlega styrki. Fyrst skal nefna styrk frá Uppbyggingasjóði Vestfjarða uppá tvær milljónir króna. Það eru engar ýkjur að segja að sjóðurinn hefur haft trú á Actinu allt frá stofnum sjóðsins og erum við einlæglega þakklát fyrir það. Uppbyggingasjóður Vestfjarða er eitt af því albesta sem gjörst hefur á Vestfjörðum enda sést það best á því hve myndarlega listin dafnar fyrir vestan í dag. 

Í dag, 18. desember, vorum við síðan að fá hálfa milljón í styrk úr Samfélagssjóði Landsbankans. Gaman er að geta þess að Landsbankinn er eitt þeirra fyrirtækja sem hefur styrkt Act alone frá upphafi eða síðan 2004. Geta skal þess sem vel er gjört. Landsbankinn er sannlega banki allra landsmanna.

Einlægar þakkir við færum Uppbyggingasjóði Vestfjarða og Landsbankanum. Það er einstakt að eiga svo góða að. 

 

laugardagurinn 14. apríl 2018 | Elfar Logi Hannesson

Þórhildur Þorleifsdóttir nýr stjórnarformaður Act alone

Við bjóðum Þórhildi velkomna og hlökkum til samstarfsins
Við bjóðum Þórhildi velkomna og hlökkum til samstarfsins

Stjórnaformannsskipti urðu núna í vikunni hjá elstu leiklistarhátíð landsins Act alone á Suðureyri. Jón Viðar Jónsson, leikhúsfræðingur, er gegnt hefur embættinu síðan 2012 fannst nú kominn tími á nýjan í starfið. Óhætt er að segja að síðan 2012  hafi Act alone stækkað og dafnað með ári hverju og nýtur í dag mikilla vinsælda landsmanna sem hafa streymt á hátíðina árlega. Act alone vill nota tækifærið og þakka Jóni Viðari einlæglega hans störf til handa Act alone. Við starfi Jóns tekur engin aukvissi í leikhúsbransanum. Nefnilega Þórhildur Þorleifsdóttir, leikstjóri. Hana þarf vart að kynna fyrir landsmönnum en hún hefur verið áberandi í íslensku leiklistarlífi síðustu áratugi á öllum sviðum.

Stjórn Act alone er annars skipuð sömu aðilum og áður. Þau eru Rúnar Guðbrandsson, leikstjóri, Sigurður Pétursson og Súgfirðingarnir Leifur Blöndal og Guðrún Oddný Schmidt. Listrænn stjórnandi Act alone er eftir sem áður Elfar Logi Hannesson, forystusauður.

Act alone verður haldin 9. – 11. ágúst komandi á Suðureyri. Er þetta fimmtánda árið sem hátíðin er haldin. Að vanda er aðgangur að hátíðinni ókeypis og öllum opin sem gerir Act alone um margt einstaka í hinni frábæru listahátíðarflóru landsins. Þegar er búið að bóka 15 einstaka viðburði á Act alone í ár allt frá leiksýningum til tónleika og gjörningalista. Meðal leiksýninga máa nefna barnaleikritin Vera, jólasýninguna Stúfur snýr aftur og dansverkið FUBAR. Tónleika sena ársins er sérlega einstök og fjölbreytt. Hinn vestfirski Siggi Björns snýr aftur vestur eftir marga sigra í úttlandinu, ein vinsælasta söngkona síðustu ár Helga Möller fer yfir sinn söngferil með viðeigandi hætti og söngvarar framtíðarinnar Eyþór Ingi og Jógvan verða með einstaka tónleika. Dagskrá Act alone er enn í mótun en hægt er að fylgjast með á heimasíðu hátíðarinnar www.actalone.net  

föstudagurinn 30. júní 2017 | Elfar Logi Hannesson

Ísafjarðarbær styrkir Act alone

Gísli Halldór Halldórsson, bæjarstjóri, og Elfar Logi Hannesson, listrænn stjórnandi Act alone, handsala samninginn á Suðureyri
Gísli Halldór Halldórsson, bæjarstjóri, og Elfar Logi Hannesson, listrænn stjórnandi Act alone, handsala samninginn á Suðureyri

Í vikunni gjöðist sá einstaki og ánægjulegi viðburður að endurnýjaður var samstarfssamningur millu Actsins og Ísafjarðarbæjar. Enn ánægjulegra var að hækkun uppá 200.000.- kónur því nú styrkir Ísafjarðarbær hátíðina um 700.000.- krónur. Act alone getur ekki annað en roðnað og þakkað fyrir sig með þennan einstaka samning.

Í samningum kveður á aðkoma beggja aðila til að efla hátíðina og umgjörð hennar ennfrekar. Þannig mun Ísafjarðarbær m.a. sjá til þess að snyrta og gera einleikjaþorpið huggulegt og hreint bæði fyrir og eftir hátíð. Act alone megin munum við m.a. bjóða áfram uppá ókeypis almenningssamgöngur millum Ísafjarðar og einleikjaþorpsins meðan á hátíð stendur og að sjálfsögðu stuðla að einstakri hátíð.

Það styttist óðum í hátíð því Act alone verður dagana 10. - 12. ágúst. Dagskráin er orðin þétt skipuð og einstaklega glæsileg. Boðið verður uppá leiklist, dans, ritlist, tónlist og allskonar. Eitthvað fyrir alla, konur karla og krakka. Ókeypis er á alla viðburði hátíðarinnar einsog verið hefur frá upphafi. Hvernig er þetta hægt? Spurði maðurinn. Jú, með einstökum styrktaraðilum og svo heilu þorpi sem nefnist Suðureyri.

Sjáumst á Act alone Suðureyri 10. - 12. ágúst. Það kostar enda ekkert.

fimmtudagurinn 17. september 2015 | Elfar Logi Hannesson

Langferðabifreið Act alone

Það er engin frétt að það sé ókeypis á Act alone þannig hefur það verið allt frá upphafi og því verður ekkert breytt. Samt eru stórtíðindi á ferðinni úr herbúðum Act alone. Því nú getur þú einnig komist ókeypis á Act alone. Langferðabifreið verður nefnilega á ferðinni daglega alla hátíðina frá Ísafirði og í einleikjaþorpið. Verum soldið umhverfisvæn og ferðumst saman á Act alone 2015.

mánudagurinn 5. ágúst 2013 | Elfar Logi Hannesson

Vesturport frumsýnir á afmælisári Act alone

Act alone fagnar tíu ára afmæli í ár - Eins og vænta má er því dagskrá ársins sérlega einstök og einleikin. 

Alls verður boðið uppá 18 viðburði á hátíðinni og rétt er að taka fram að aðgangur að öllum viðburðum er ókeypis einsog verið hefur frá upphafi.

Hátíðin verður haldin aðra helgina í ágúst dagana 8. – 11. ágúst í sjávarþorpinu Suðureyri.

miðvikudagurinn 6. mars 2013 | Elfar Logi Hannesson

Act alone tilnefnd til Eyrarrósarinnar

Stór merkileg tíðindi hafa borist í hús. Leiklistarhátíðin Act alone er tilnefnd til Eyrarrósarinnar í ár. Eyrarrósin hefur verið afhend árlega síðustu ár fyrir framúrskarandi menningarverkefni á landsbyggðinni. Þrjú framúrskarandi verkefni landsbyggðarinnar eru tilnefnd hverju sinni. Ásamt Act alone eru menningarverkefninin Eistnaflug og Skaftfell tilnfend til Eyrarrósarinnar árið 2013. Eyrarrósin verður afhend þriðjudaginn 12. mars í Hofi á Akureyri. 

miðvikudagurinn 6. mars 2013 | Elfar Logi Hannesson

Act alone tilnefnd til Eyrarrósarinnar

Stór merkileg tíðindi hafa borist í hús. Leiklistarhátíðin Act alone er tilnefnd til Eyrarrósarinnar í ár. Eyrarrósin hefur verið afhend árlega síðustu ár fyrir framúrskarandi menningarverkefni á landsbyggðinni. Þrjú framúrskarandi verkefni landsbyggðarinnar eru tilnefnd hverju sinni. Ásamt Act alone eru menningarverkefninin Eistnaflug og Skaftfell tilnfend til Eyrarrósarinnar árið 2013. Eyrarrósin verður afhend þriðjudaginn 12. mars í Hofi á Akureyri. 

miðvikudagurinn 8. ágúst 2012 | Elfar Logi Hannesson

Svavar Knútur í sundlaug Suðureyrar

Svavar Knútur er meðal fjölda listamanna sem sýna á Act alone um helgina. Svavar Knútur er einstakur tónlistarmaður sem hefur farið mikinn síðuustu ár og heillað allar kynslóðir. Aðdáendur kappans fá allan pakkann á Act alone því Svavar verður tvöfaldur á Act alone. Fyrri tónleikar hans verða á Talisman á föstudag og hefjast kl.22. Daginn eftir á laugardag verður hann síðan með einstaka tónleika í sundlaug Suðureyrar. En gaman er að geta þess að þessi vinsæla sundlaug er tvítug í dag. Var þarf að geta þess að það er frítt á báða tónleika Svavars Knúts einsog reyndar alla viðburði Act alone um helgina.

Eldri færslur