Áttunda Act alone hátíðin hefst föstudaginn 12. ágúst. Opnunarsýning hátíðarinnar að þessu sinni kemur frá Noregi og nefnist The Whole Caboddle. Þetta er í fyrsta sinn sem norskur leikari stígur á stokk á Act alone en allt frá upphafi höfum við fengið fjölmarga erlenda leikhúslistamenn til okkar. Síðast fengum við gesti frá Grænlandi en einnig hafa leikið á Act alone listamenn frá Bandríkjunum, Búlgaríu, Eistlandi, Finnlandi, Króatíu og Rússlandi. Það er mikið gleiðiefni og einnig mikilvægt fyrir okkur á Act alone að fá til okkar reglulega erlenda listamenn. Við erum þegar byrjuð að ræða við erlendan listamann til að koma fram á næsta ári en gefum ekkert upp um það núna. Kynnum frekar til sögunnar gestaleik Act alone 2011.

Sýningartími: 50 mín.

Skynjum við litbrigði martraða?
björt sem mjöll
rjóð sem rós
tinnusvört

Komdu á vit ævintýranna -
og ef þú rýnir vel gæturðu séð engla...
Tilgangur verksins er að rannsaka munin á milli góðs og ills.
Kanna hvað hugtökin himnaríki og helvíti standa fyrir og hvort það sé nauðsynlegt að hafa einn heim af hinu góða og annan af hinu illa/vonda.
Er tvískiptur heimur nauðsynlegur til að skilja jafnvægið á milli þeirra?
Eru hinir samfélagslega illu eins vondir og við viljum halda?
Eru þeir illu að reyna að fá okkur til að horfast í augu við okkur sjálf?
Hvað kraumar undir hinu góða yfirborði?
Hvað gerist ef prinsessan deyr?

Annars erum við á fullu að undirbúa Act alone 2011 sem verður jafnframt áttunda hátíðin. Dagskráin er alveg að verða tilbúin og verður birt hér á síðunni þegar sumrar meira. 

Leikari, höfundur, búningar: Ársæll Níelsson
Leikstjórn: Ole Brekke

Flækingurinn Johnny væflast um landið í leit að stóra tækifærinu. Honum er margt til lista lagt en hefur ekki gefist kostur á að sýna sig og sanna. Hans heitasti draumur er að slá í gegn og hljóta viðurkenningu fyrir snilligáfu sína í sviðslistum. En þegar tækifærið gefst, getur hann þá staðið undir væntingum? 
Ársæll hefur nýlokið leiklistarnámi frá Kaupmannahöfn. Þessi sýning er byggð á lokaverkefni hans á fyrra ári.
 

 

Lesa

---

Það verður ekki bara boðið upp á leik og söng á ACT ALONE í ár heldur einnig dans. Á öðrum degi ACT ALONE 2010 verður boðið uppá dansverkið LUZ með finnska dansaranum Henna Riikka Nurmi. Sýningin verður laugardaginn 14. ágúst í Edinborgarhúsinu og hefst kl.15.

Lesa

---

Lesa

---

Umsóknir á ACT ALONE hafa aldrei verið fleiri og í ár að vanda voru langflestar umsóknir frá erlendum leikhúsum og einleikurum. Búið að að fullbóka hátíðina í ár og er dagskráin sérlega vönduð og glæsileg. Við ætlum þó að bíða aðeins með að upplýsa sýningar og viðburði ACT ALONE 2010 en gerum það í áföngum þegar nær dregur hátíð skjótum upp einni og einni einleikinni leikhúsbombu hér á heimasíðuna þar til öll dagskráin verður komin í sviðsljósið. ACT ALONE 2010 verður haldin dagana 13. - 15. ágúst á Ísafirði og í Haukadal í Dýrafirði. Að sjálfsögðu verður ókeypis á hátíðina einsog verið hefur frá upphafi ACT ALONE. Við eigum von á einleikinni hátíð sjöunda árið í röð í einleikjabænum og sveitinni fyrir vestan. Hlökkum til að sjá ykkur á ACT ALONE 2010 og endilega kikkið við hér á síðunni og fréttið þannig fyrst af dagskrá ársins. Einnig er hægt að gerast aðdáandi ACT ALONE á Andlitsbókinni og þar er ávallt eitthvað einleikið á ferðinni.
Lesa

---

Þá er sjöttu ACT ALONE hátíðinni lokið og óhætt að segja að frábærlega vel hafi tekist. Húsfyllir var á öllum viðburðum og einleikin stemmning ríkti í einleikjabænum alla helgina. Það er greinilegt að nýja ACT ALONE tímanum sé vel tekið en áður var hátíðin ávallt haldin í byrjun júlí. Framvegis verður ACT ALONE haldin á sama tíma og í ár eða um miðjan ágúst. ACT ALONE þakkar öllum þeim fjölda sem aðstoðaði okkur í ár og gerði þetta ævintýri jafn einleikið og skemmtilegt og það var. Fyrirtæki, stofnanir, félög og einstaklingar - þúsund þakkir til ykkar fyrir ykkar ómetanlega framlag til handa ACT ALONE 2009. Ekki má gleyma öllum þeim fjölda listamanna sem kom fram á hátíðinni í ár þakkir fyrir ykkar einstök list, þið erum frábær og við erum soldið montinn yfir því að þið hafið verið til í að koma til okkar með ykkar frábæru listaverk. Síðast en ekki síst eru kærar þakkir til áhorfenda á ACT ALONE 2009 takk fyrir ómetanlegar stundir í leikhúsinu um helgina. Fjölmargar ljósmyndir voru teknar á ACT ALONE 2009 og verða þær birtar hér á síðunni í Myndasafninu. Undirbúningur fyrir ACT ALONE 2010 er þegar hafinn en hátíðin verður haldin dagana 13. - 15. ágúst 2010 - sjáumst þá.
Lesa

---

14. ágúst
Edinborgarhúsið Ísafirði
Kl.20.00 UMBREYTING  - LJÓÐ Á HREYFINGU. Bernd Ogrodnik. Fígúra.

Edinborgarhúsið Ísafirði
Kl.14.00 21 MANNS SAKNAÐ. Víðir Guðumundsson. GRAL. 

Kl.18.00 ÉG HEITI RACHAEL CORRIE. Þóra Karítas Árnadóttir.

16. ágúst
Gíslastaðir Haukadal Dýrafirði
Kl.15.00 EINSTÖK SÝNING. Einleikir á Íslandi – Vestfirskir einfarar.


KL.15.20 FÖRUMENN OG LEIKLIST. Fyrirlestur. Jón Jónsson.


Kl.16.00 HÖRÐUR TORFA eins manns konsert.


HÁTÍÐARLOK

Lesa

---

Stjórn Act alone hefur nú bókað þær sýningar sem verða á Act alone 2009. Hátíðin verður haldin dagana 14. - 16. ágúst á Ísafirði og í Haukadal í Dýrafirði. Boðið verður uppá fjölbreytta einleiki gaman og alvöru og allt þar á milli. Þetta er í sjötta sinn sem Act alone er haldin og að vanda er aðgangur að hátíðinni ókeypis og öllum opin. Dagskrá Act alone verður kynnt innan tíðar hér á heimasíðunni.
Lesa

---

Einmánuður gekk í garð þriðjudaginn 24. mars. Einmánuður er síðasti mánuður vetrar samkvæmt gömlu norrænu tímatali og er sagt að ef fyrsti dagur Einmánuðar sé votur þá sé von á góðu vori. Það er gaman að segja frá því í upphafi Einmánuðar að sjaldan hefur fjörið verið jafn mikið í einleikjalífinu á Íslandi og einmitt í dag. Hver einleikurinn á fætur öðrum er settur á svið og er gaman að sjá hve vegur listarinnar hefur vaxið og dafnað vel hér á landi. Á þessu ári hafa fjölmargir einleikir litið dagsins ljós. Borgarleikhúsið hefur nú þegar sett á svið eina þrjá einleiki og von er á einum til viðbótar áður en leikárinu lýkur. Kómedíuleikhúsið frumsýnir nýjan einleik 1. apríl á Ísafirði og heyrst hefur af einleiknum æfingum í Hafnarfjarðarleikhúsinu. Það má því búast við fjölbreyttri og spennandi Act alone hátíð í ár. Undirbúningur fyrir hátíðina er þegar hafin en hún verður haldin dagana 14. - 16. ágúst í einleikjabænum Ísafirði. Þegar hefur verið gengið frá erlendu sýningum þessa árs. Sýningarnar koma að þessu sinni frá Danmörku og Svíþjóð og verður nánar greint frá þeim síðar. Þessa dagana er svo verið að negla niður íslensku sýningarnar sem verða á Act alone 2009. Í tilefni af öllu þessu einleikna tali og komu Einmánuðar þá er rétt að láta hér eina góða vísu fylgja með í lokin:
Einmánuður minn, minn
gakk þú í bæinn.
Vertu ekki úti í vindinum
vorlangan daginn.
Lesa

---

Lesa

---

Það eru fleiri en mannfólkið sem þurfa að gera breytingar og nýjungar á sjálfum sér.

Það er óhætt að segja að það séu nýjir og spennandi tímar á Íslandi þessa dagana. Act alone fylgist að sjálfsögðu vel með straumum og stefnum og reynir að aðlaga sig að aðstæðum hverju sinni. Nýr Act alone tími og ný stjórn boða nýja einleikna tíma. Act alone 2009 verður haldin í ágúst á þessu sinni nánar til tekið dagana 14. - 16. agúst á Ísafirði. Hátíðin var áður haldin í byrjun júlí eða lok júní en þar sem sá tími hefur verið mjög umsetinn hér vestra og verið haldnar 3 aðrar hátíðir sömu helgina þá þótti vænlegra að færa sig um set yfir í ágúst þegar minna er um að vera. Einnig hefur verið skipað í nýja stjórn Act alone og í henni eiga sæti Jón Páll Hreinsson, forstöðumaður Markaðsstofu Vestfjarða, Jón Viðar Jónsson, leikhúsfræðingur og forstöðumaður Leikminjasafns Íslands, Marsibil G. Kristjánsdóttir, listakona, og Rebekka A. Ingimundardóttir, leikmyndahönnuður og leikkona. Eru þau hér með boðin velkomin til starfa. Listrænn stjórnandi Act alone er Elfar Logi Hannesson sem hefur stýrt hátíðinni frá upphafi. Ljóst er að stjórn á mikið verkefni fyrir höndum því nú þegar hafa borist hátt í 30 umsóknir eingöngu frá erlendum aðilum auk fjölda innlendra umsókna. Rétt er að geta þess að umsóknarfrestur leikhúsa og listamanna með leiksýningar á Act alone 2009 er til 2. mars. Það eru sannarlega nýjir og spennandi tímar framundan í sögu Act alone og verður gaman að fylgast með framhaldinu.
Lesa

---

Lesa

---

Leiklistarhátíðin Act alone óskar landsmönnum öllum gleðilegs árs með kærri þökk fyrir liðið ár. Síðasta ár var sannarlega sögulegt því þá var viðamesta Act alone hátíðin haldin. Óhætt er að segja að vel hafi tekist til og þau fimm ár sem hátiðin hefur verið haldin hefur vegur Act alone sannarlega verið einleikinn. Ný hafið ár verður það ekki síður og jafnvel sögulegra en nokkru sinnum áður. Enda höfum við ávallt leitast við að fara nýjar leiðir og hátíðin hefur þróast ár frá ári og aldrei verið eins enda ekkert varið í það. Ljóst er að gera þarf veigamiklar breytingar á Act alone í ljósi aðstæðna í landinu okkar þessi misserinn. Þessa dagana situr listrænn stjórnandi Act alone ásamt fjölmörgum velunnurum við að finna leiðir til að móta nýja stefnu hátíðarinnar. Þegar er komið að ljós að fækka þarf sýningum nokkuð og einnig er mjög líklegt að hátíðin verði haldin á öðrum tíma en venjulega. Við viljum endilega fá sem flesta í lið með okkur því betur hugsa margir en einn og úr verður þá spennandi ævintýri sem verður gaman að glíma við á nýja árinu. Ef þú vilt vera memm þá endilega sendu okkur tölvupóst á netfangið komedia@komedia.is
Lesa

---

Í nýjasta hefti menningarritsins TMM, Tímarit Máls og Menningar, er grein um Act alone 2008 en útsendari ritsins var á hátíðinni. Greinin hefur yfirskirftina: Undur og stórmerki á Ísafirði. Leiklistarhátíðin Act alone. Silja Aðalsteinsdóttir, ritsjtóri blaðsins, hefur góðfúslega veitt leyfi til að birta greinina í heild sinni hér á Act alone vefnu og má nálgast greinina undir liðnum Um hátíðina. Það er Arndís Þórarinsdóttir sem ritar greinina og er óhætt að segja að hún dragi upp glæsilega mynd af Act alone. Um hátíðiina segir hún m.a.: ,,Hátíðin er skemmtilega fjölbreytt - í ár mátti finna bæði einleiki og tvíleiki á henni, tónlistaratriði, myndlistarsýningar og dansverk. Þar eru erlendar verðlaunasýningar, innlendar atvinnusýningar sem og áhugaleiksýningar heimamanna. Þetta síðastnefnda veldur því að hátíðin stendur styrkjum fótum í samfélagi leikhúsáhugamanna á staðnum, sem hlýtur að styrkja hana. Þetta er ein af fjölmörgum skynsamlegum ákvörðunum Elfars Loga við gerð dagskrárinnar. " Arndís fjallar líka um flestar sýningar hátíðarinnar í stuttu máli og segir sitt álit á þeim. Listrænn stjórnandi og stofnandi Act alone fær ágæta umsögn en í lok greinar segir: ,,Starf Elfars Loga Hannessonar við að byggja upp leiklistarlífið á Vestfjörðum verður ekki nógsamlega lofað, og raunar er það hagur okkar allra að hátíð á borð við Act alone þrífist einhversstaðar á landinu. Það er engin spurning að hátíðin á eftir að halda áfram að vaxa og dafna á komandi árum, og hróður hennar á eftir að berast víðar." Rétt er að benda áhugasömum á að TMM fæst í betri bókabúðum og svo er líka hægt að gerast áskrifandi sem er náttúrulega mun ódýrara. Óhætt er að mæla með þessu menningarriti sem er auk þess eina rit sinnar tegundar hér á landi.
Lesa

---

Pétur Eggerz í einleiknum Aðventa.

Pétur Eggerz leikari og einn stofnenda Möguleikhússins er á Eintali hér á Act alone síðunni. Kómedíuleikarinn tók kappann tali og fer Pétur víða í viðtalinu. Hann segir m.a. frá sinni fyrstu leikhúsupplfun sinni sem var mjög sterk og áhrifarík því hann lifaði sig svo inní verkið að hann fór að gráta og varð að yfirgefa bygginguna. Stofun Möguleikhússins ber einnig á góma en leikhúsið hefur langa og merka sögu í íslensku barnaleikhúsi. Einleikurinn kemur líka við sögu en Pétur hefður samið, leikstýrt og leikið í einleikjum Möguleikhússins.
Einleiknu viðtölin hafa vakið talsverða athygli en Pétur er fjórði einleikarinn sem situr fyrir svörum. Áður hafa Hörður Torfa, Hallveig Thorlacius og Eggert Kaaber verið á eintali. Öll viðtölin eru aðgengileg hér á síðunni undir liðnum Einleikin viðtöl. Nú er bara spurning hver verður næst Á eintali?
Lesa

---

Lesa

---

Í síðasta Menningarblaði Fréttablaðsins er lofsalegur dómur um Act alone í Iðnó þar sem tvær af erlendu sýningum hátíðarinnar voru sýndar. Gagnrýnandinn Elísabet Brekkan gefur sýningunum fullt hús stiga eða öllu heldur stjarna eða heil fimm stykki. Enda voru hér á ferðinni geggjaðar einleiknar sýningar og var gaman að geta sýnt þær einnig í Reykjavík. Að öllum líkindum er þessi góður siður komin til að vera að standa einnig fyrir einskonar Litlu Act alone í Reykjavík þar sem boðið verður uppá erlendu sýningar hátíðarinnar. Alltaf gaman af stjörnum og góðum dómum og því birtum við hér að neðan stjörnudóm Menningarblaðs Fréttablaðsins.
Lesa

---

Fragile var valin besta sýningin á Act alone 2008

Leiklistarhátíðinni Act alone á Ísafirði lauk þriðjudaginn 8. júlí í Iðnó í Reykjavík þar sem erlendu sýningar hátíðarinnar voru sýndar. Þar með lauk sjö daga einleiknu stuði en Act alone var sett á Ísafirði miðvikudaginn 2. júlí. Óhætt er að segja að hátíðin hafi dafnað vel og að margra mati er hátíðin í ár sú besta frá upphafi. Gaman að heyra það. Enda var dagskráin sérdeilis glæsileg boðið var uppá hvorki fleiri né færri en 25 sýningar sem er algjört met í sögu Act alone. Fjölmargar nýjungar voru á Act alone 2008 því nú bættist danslistin við og má því segja að Act alone sé ekki lengur bara leiklistarhátíð heldur almenn listahátíð. Sýningar Act alone 2008 voru fjölbreyttar og gátu allir aldurshópar fundið sér góðgæti við hæfi. Að vanda voru einleikir í aðalhlutverki en einnig var boðið uppá tónlist, myndlist, tvíleiki og í fyrsta sinn var boðið uppá einleikin dansverk. Leiklistarnámskeið var haldið að ógleymdri kennslustund í að reka eins manns leikhús. Loks er ógetið Act alone verðlaunanna sem nú voru afhent í fyrsta sinn. Sérstök dómnefnd skipuð þremur áhorfendum á Ísafirði fylgdist grannt með öllum sýningum hátíðarinnar. Lokasýning Act alone 2008 var í Haukadal og um leið myndaðist rafmögnuðstemmning því þá var búið að tilkynna komu dómnefndar. Vissulega hefur þetta ekki verið auðvelt starf hjá nefndinni að velja bestu sýningu hátíðarinnar og besta leikarann. Besta sýning Act alone 2008 var valin Fragile í flutningi tékkneska leikhópsins Krepsko og besta leikarinn var Hörður S. Dan fyrir leik sinn í Englar í snjónum. Einsog áður var getið var einnig skundað til borgarinnar þar sem erlendu sýningar Act alone 2008 voru sýndar. Því miður varð að fella niður eina af þeim sýningunum sökum veikinda leikkonunnar í verkinu Völuspá. Hinar tvær erlendu sýningarnar Fragile og Chick with a Trick voru hins vegar sýndar. Fjölmargir lögðuð leið sína á Act alone í Iðnó og fengu sýningarnar báðar frábærar undirtektir. Til gamans má geta þess að gagnrýnandi Fréttablaðsins gaf Act alone í Iðnó fullt hús stiga eða FIMM STJÖRNUR. Stjórn Act alone 2008 vill að lokum þakka þeim fjölmörgu sem réttu okkur risastóra hjálparhönd á hátíðinni. Þið eruð öll alveg frábær. Sérstaklega vill stjórnin þakka þeim Þorsteini J. Tómassyni, Þresti Ólafssyni og honum Sæla kærlega fyrir frábærlega vel unnin störf. Þið eruð hetjur án ykkar hefði þetta ekki verið jafn einleikið og skemmtilegt. Bæjarbúar voru líka boðnir og búnir að aðstoða okkur, Morrinn tók virkan þátt í Act alone 2008 og síðast en ekki síst þökkum við öllum þeim fjölmörgu gestum sem sóttu hátíðina. Milljón takk til ykkar allra. Þrátt fyrir fyrri yfirlýsingar um að kannski væri þetta síðast Act alone hátíðin sem yrði haldin. Þá er rétt að taka það strax fram að Act alone hátíðin mun halda áfram og strax í ágúst hefst undirbúningur fyrir Act alone 2009. Þökk sé öllum þeim fjölmörgu fyrirtækjum, félögum og einstaklingum sem hafa stutt hátíðina frá upphafi.
Lesa

---

Lesa

---

Þá er Act Alone lokið þetta árið og við getum ekki beðið eftir næsta
Act Alone. Núna í lok dagsins var valin besta sýningin
og besti leikarinn.
Loka leiksýning Act alone 2008 var Chick with a trick sem var sýnd í Félagsheimilinu á Þingeyri
Lesa

---

Leikritið Aðventa lauk fyrir stuttu og okkur vantaði ekki þar !
Lesa

---

Við sáum stelpur sem greip okkar athygli á Kaffi Edinborg
og við spurðum þau um Act Alone
Þessar stelpur voru Sunna Karen og Ásdís Rún

Lesa

---

Lesa

---

Superhero var sýnt i gær í Edinborg. Höfundur er Eyrún Ósk en leikari er Erik Hakansson.
Lesa

---

Við hittum tvo Morra á upplýsingadeski Act Alone og spurðum þá hvernig þeim líkaði að vinna á Act Alone
Lesa

---

Við hittum nokkra áhorfendur Fragile á
kaffi edinborg i gær
og spurðum þá álits á Fragile
Áhorfandinn var Greipur Gíslason.

Lesa

---

Lesa

---

Kíktu í Leikhús i kvöld !

Allir i leikhús !

Lesa

---

Við hittum Sigurð Atlason á röltinu.Sigurður kom hingað með sýninguna Álfar Tröll og Ósköpin Öll sem var sýnt i Tjöruhúsinu i gær.  . 

Lesa

---

Það má seigja að þessi sýning hafi verið áhrifamikil og sérstök miðað við það sem við erum búin að vera sjá. Þetta finnska leikrit var skemmtileg tilbreyting að okkar mati. Linnea Happonen byrjaði leikritið ein á sviðinu en svo bætist inn dularfullur leikari sem skipaði stóran sess i þessu verki. 
Lesa

---

Áðan var sýningin Ég bið að heilsa sýnd i Bryggjusalnum í Edinborg.Á þessa sýningu var vel mætt og fólk naut sín vel og fannst þessi sýning heillandi.Elvar Logi Hannesson las ljóð eftir  Jónas Hallgrímsson með leikrænum tilþrifum.Þröstur Jóhannesson lék frumsamin lög með textum eftir Jónas.

Í kvöld verða svo sýningarnar Fragile sem leikhópurinn Krepsko setti upp og núna er Linnea Happonen komin hingað til sýna okkur leikritið og sér um hún einnig um leikstjórn. Þar á eftir verður leikritið Superhero sem Jarðleikhúsið setur upp.Höfundurinn er Eyrún Ósk Jónsdóttir og sér hún líka um leikstjórn og leikarinn er Erik Hakanson. Við hvetjum alla til að mæta og horfa á þessar frábæru sýningar. 

Lesa

---

Lesa

---

Hádegisleikhúsið á Hótel Ísafirði byrjaði daginn með tvem einleikjum. Marsibil G. Kristjánsdóttir lék leikritið Örvænting og Sveinbjörn Hjálmarsson lék Það kostar ekkert að tala í GSM hjá guði. Leikritin tvö vöktu mjög góðar undirtökur og var mjög fjölment á sýningunni. Hádegisleikhúsið var þriðja sýningin á hátíðinni en í gær voru sýndar tvær sýningar um Stein Steinarr sem vakti mikla lukku meðal fólks og var vel mætt á báðar sýningarnar. Framundan er svo full dagskrá sem stendur langt fram á kvöld. Nánari upplýsingar um sýningar tíma er
hægt að finna hér til hliðar í dagskránni.

Lesa

---

Í kvöld mun Act alone hefjast kl. 20.00 með opnunarsýningu í Alþýðuhúsinu, það ætlar Elfar Logi Hannesson að gera með kvikmyndinni Steinn Steinarr. Eftir kvikmyndasýninguna þ.e.a.s. kl 22:00 mun hann svo stíga á svið í Hömrum með ljóðaleiknum Búlúlala - öldin hans Steins, sýningin er byggð upp á ýmsum verkum Steins Steinrs.

Hátíðin hefst núna í 5.sinn og hefur dagskráin aldrei verið eins glæsileg og í ár. Fram munu m.a koma Benóný Ægisdóttir, Eggert Kaaber, Saga Sigurðardóttir, Pétur Eggerz og Sigurður Skúlason en hann verður með leiklistarnámskeið í tvem pörtum, annað er fimmtudaginn 3.júlí klukkan 13:30 - 16:00 í Háskólasetri Vestfjarða og seinna námskeiðið er haldið föstudaginn 4.júlí á sama tíma og á sama stað.
Á meðan hátíðn er í fullum gangi mun verða starfandi listamannaklúbbur á Kaffi Edinborg og verða þau með alskyns upplýsingar sem tengjast hátiðinni á einn eða annan hátt.

Lesa

---

Lesa

---

Lesa

---

Lesa

---

FRAGILE er leikverk í sífelldri þróun, við fylgjumst persónulega með leikpersónunni Laura úr verkinu Glass Menagerie eftir Tennesse Williams. Laura leiðir okkur í gegnum sitt brothætta umhverfi og hugarástand í þrúgandi þögn, þar sem allar nýir og óvæntir atburðir hafa miklar afleiðingar í för með sér. Gegnum hennar viðkvæma háttarlag drögumst við dýpra og dýpra inní hljóða en jafnramt einmannalega tilveru hennar. FRAGILE er sjónrænt verk þar sem rýmið verður eitt með leikaranum. FRAGILE er sýning sem er uppfull af smáatriðum og óvæntum atvikum þar sem áhorfandinn dregst inní hugarheim Lauru. Sá heimur er brothættur og þarf óneitanlega að byggja upp að nýju. FRAGILE er um margt sérstök sýning þar sem leikkonan hreyfir sig lítið sem ekkert og mikið er gert uppúr sjónrænn upplifun með aðstoð ljósa.  
Lesa

---

Lesa

---

Act alone leiklistarhátíðin verður formlega sett miðvikudaginn 2. júlí kl.20 í Alþýðuhúsinu, Ísafjarðarbíó. Opnunarsýningar hátíðarinnar að þessu sinni eru tvær enda eiga sýningarnar margt sameiginlegt. Því hér er um að ræða tvær ólíkar sýningar sem eru byggðar á verkum Steins Steinars en einsog flestum er kunnugt er aldarafmæli skáldsins nú í ár. Það þykir því vel við hæfi að vestfirska leiklistarhátíðin heiðri minningu eins ástsælasta skálds Vestfjarða með veglegum hætti. Báðar sýningarnar koma úr smiðju Kómedíuleikhússins. Sú fyrri er upptaka af einleik Kómedíu sem var sýndur árið 2003 og verður leikurinn nú sýndur á breiðtjaldi í Ísafjarðarbíói. Seinni sýningin verður í Hömrum og nefnist hún Búlúlala - Öldin hans Steins. Hér er um tvíleik að ræða en tveir slíkir verða á dagskrá hátíðarinnar í ár.

STEINN STEINARR Í BÍÓ

Miðvikudaginn 2. júlí kl.20 í Alþýðuhúsinu.

Kómedíuleikhúsið
Handrit: Elfar Logi Hannesson, Guðjón Sigvaldason
Leikari: Elfar Logi Hannesson
Ljós, hljóð: Friðþjófur Þorsteinsson, Guðjón Sigvaldason
Leikmynd, búningar, leikstjórn: Guðjón Sigvaldason
Kvikmyndataka: Jóhannes Jónsson digi-Film

Einleikur um eitt þekktasta og umdeildasta ljóðskáld Íslendinga á 20. öld. Handrit leiksins er nokkuð frábrugðið öðrum verkum en 98% textans er eftir Stein sjálfan. Þar er um að ræða brot úr greinum eftir Stein, 29 ljóð og brot úr viðtölum.
Steinn Steinarr eða Aðalsteinn Kristmundsson fæddist árið 1908. Þegar Steinn kom fram á ritvöllinn hóf hann þegar að brjóta reglur sem ríkt höfðu í skáldskap um langa hríð og varð mjög umdeildur fyrir vikið. Harðorðar greinar birtust í blöðum um Stein. Skáldskapur hans var kallaður tóm vitleysa af sumum, aðrir á hinn boginn fögnuðu framlagi hans og töldu að loksins væri komið fram skáld sem þyrði að breyta staðnaðri, íslenskri ljóðlist. Núna hrífast flestir af skáldskap Steins. Ljóð hans eru þjóðinni mjög kær og við mörg þeirra hafa verið samin lög. Steinn Steinarr andaðist árið 1958, rétt tæplega fimmtíu ára að aldri.

BÚLÚLALA - ÖLDIN HANS STEINS
Miðvikudaginn 2. júlí kl.21.30 í Hömrum.

BÚLÚLALA – ÖLDIN HANS STEINS

Kómedíuleikhúsið

Leikari: Elfar Logi Hannesson
Tónlistarmaður: Þröstur Jóhannesson
Sýningartími: 50. mín.

Búlúlala - Öldin hans Steins er nýr ljóðaleikur fyrir leikara og tónlistarmann sem Kómedíuleikhúsið setur á svið til að minnast aldarafmælis Steins Steinars. En Aðalsteinn Kristmundsson, einsog hann hét réttu nafni, fæddist 13. október árið 1908 og er án efa eitt af merkustu skáldum þjóðarinnar. Í þessum leik, Búlúlala - Öldin hans Steins, verða flutt mörg af kunnustu ljóðum Steins í bland við þau sem minna eru þekkt. Elfar Logi Hannesson, leikari, flytur ljóðin í leik og tali en Þröstur Jóhannesson flytur frumsamin lög við ljóð Steins. Marsibil G. Kristjánsdóttir gerir leikmynd sem er portret af skáldinu. Meðal ljóða sem koma við sögu í sýningunni má nefna Að frelsa heiminn, Barn, Miðvikudagur, Söngvarinn, Tindátarnir, Þjóðin og ég og síðast en ekki síst Búlúlala ljóðið sem leikurinn er nefndur eftir.

Lesa

---

Við höldum áfram að kynna dagskrá Act alone 2008 og nú er komið að leiksýningum hátíðarinnar. Einsog áður hefur komið fram verða 24 sýningar á fjölum Act alone þetta sumarið. Aðventa er einn af fjölmörgu einleikjum þessa leikárs og verður að sjálfsögðu sýndur á Act alone 2008.

AÐVENTA
Laugardaginn 5. júlí kl.22 í Edinborgarhúsinu á Ísafirði.

Möguleikhúsið
Eftir Gunnar Gunnarsson
Leikgerð, leikstjórn: Öldu Arnardóttur
Leikmynd, búningar: Messíana Tómasdóttir
Lýsing: Bjarni Ingvarsson
Tónlist, hljóðfæraleikur: Kristján Guðjónsson
Leikari: Pétur Eggerz

 

Lesa

---

Mánudagar eru sko ekkert til mæðu allavega ekki í dag því nú hefst formleg kynning á dagskrá Act alone 2008. Hátíðin verður haldin dagana 2. - 6. júlí og er óhætt að segja að dagskráin hafi aldrei verið jafn glæsileg og í ár boðið verður uppá 24 sýningar, fyrirlestur og námskeið. Til að stytta biðina fyrir hátíðina verður dagskráin kynnt sérstaklega hér á vefnum. Fjallað verður um sýningar hátíðarinnar auk annarra einleikna Act alone frétta. Við hefjum kynninguna á Act alone 2008 með því að fjalla um leiklistarnámskeið Act alone 2008. Skráning hófst í dag og nú er bara að vera snöggur til og skrá sig. Act alone 2008 kynningin er hér með hafin gjörið svo vel.

DAGSKRÁ ACT ALONE 2008
LEIKLISTARNÁMSKEIÐ

 

HVAÐ FELST Í TEXTANAUM? OG HVERNIG KOMUM VIÐ ÞVÍ TIL SKILA – Í FLUTNINGI?
Kennari: Sigurður Skúlason, leikari
Staður: Háskólasetur Vestfjarða
Fimmtudag 3. júlí kl. 13.30 – 16.00
Föstudag 4. júlí kl. 13.30 – 16.00
Þátttökugjald: 10.000.-
Skráning: Háskólasetur Vestfjarða sími: 450 3040
Einnig er hægt að senda tölvupóst á netfang Háskólaseturs info@hsvest.is

 

Sigurður Skúlason leikari heldur námskeið í textaflutningi, laust mál og bundið. Mikilvægi þess að geta greint texta og túlkað er mikilvægt öllum leikurum sem og öðrum sem koma fram hvort heldur á bæjarstjórnarfundi eða á þorrablóti. Sigurður Skúlason er vel kunnur fyrir leik sinn í sjónvarpi og í kvikmyndum auk þess sem rödd hans er vel kunn í útvarpi. Óhætt er að segja að Sigurður sé meðal bestu upplesara hér á landi og er því mikill fengur að geta boðið uppá þetta vandaða námskeið á Act alone 2008. Rétt er að geta þess strax að þátttakendafjöldi á námskeiðinu er miðaður við 15 manns og er því rétt að vera snöggur að skrá sig.

Lesa

---

25.04.2008 11:58 | Almennt

MENNINGARRÁÐ VESTFJARÐA STYRKIR ACT ALONE

Á sumardaginn fyrsta úthlutaði Menningarráð Vestfjarða styrkjum til list- og menningarverkefna á Vestfjörðum. Þetta er í annað sinn sem ráðið úthlutar styrkjum en óhætt er að segja að stofnun Menningarráðs hafi verið kærkomin innspíting inní menningarlífið á Vestfjörðum. Að þessu sinni fór úthlutun styrkja fram á Hólmavík. Gillið var haldið í hinu ný uppgerða félagsheimili Hólmvíkinga og ríkti mikil sumar- og hátíðarstemning enda skein sólin glatt á listamenn sem unnendur listanna í Hólmavíkinni á fyrsta degi sumars. Alls voru 48 styrkir veittir að þessu sinni til fjölbreyttra menningarverkefna á Vestfjörðum. Act alone var á meðal hinna heppnu og hlaut styrk að upphæð 700.000.- krónur. Mikið þykir okkur vænt um þennan styrk sem kemur sér mjög vel fyrir komandi hátíð sem verður haldin núna í sumar. Einsog Act alone vinir þekkja þá hafnaði Leiklistarráð Act alone hátíðinni við síðustu úthlutun (en er samt apparat sem á að styrkja leiklist og vill ekki styrkja einu árlegu leiklistarhátíðina á Ísalndi. Skrítið) og því er þessi styrkur frá Menningarráði mjög kærkominn. Það kostar nefnilega sitthvað að halda eitt stykki festival. En við höldum ótrauð áfram þó enn vanti nokkuð á að endar nái saman. Hinsvegar hefur okkar þema alltaf verið Góðir hlutir gerast hægt. Act alone þakkar Menningarráði Vestfjarða kærlega fyrir góðan skilning og stuðning við verkefnið.
Lesa

---

01.04.2008 12:38 | Almennt

APRÍLGABB ACT ALONE 2008 - WHOOPI GOLDBERG Á ACT ALONE 2008

Ath þetta er aprílgabb.
Aðalgestur Act alone 2008 er stórleikkonan Whoopi Goldberg. Viðræður hafa staðið yfir við leikkonuna í allan vetur og loksins hafa samningar milli Whoopi og Act alone tekist. Whoopi Goldberg mun sýna einleik sinn The Spook Show sem er einn allra vinsælasti leikur hennar. Leikurinn var sýndur á Broadway 1984-1985 yfir 150 sinnum og alltaf fullt hús. Það var einmitt í þessari sýningu sem Whoopi vakti fyrst almenna athyli og hlaut í kjölfarið hlutverk hjá Steven Spielberg í kvikmyndinni The Color Purple og var hún tilnefnd til Óskarsverðlauna fyrir hlutverkið. Whoopi er einn fremsti einleikari heimsins í dag og er jafnan nefnd á sama tíma og einleikarinn og Actalónarinn Eric Bogosian sem sýndi á Act alone 2006. Whoopi Goldberg er þó einkum þekkt á hvíta tjaldinu og hefur leikið í myndum á borð við Jumpin' Jack Flash, Clara's Heart, Ghost, Sister Act ofl ofl. Whoopi hefur fjóru sinnum verið kynnir Óskarsverðlauna við góðan orðstýr. Það er óhætt að segja að koma Whoopi Goldberg á Act alone er stórviðburður enda á leikkonan fjölmarga aðdáendur hér á land. Aðgangur að Act alone er ókeypis og því nokkuð víst að bekkurinn verði þéttsetinn þegar Whoopi stígur á svið en hún mun opna Act alone hátíðina 2. júlí. En rétt er að geta þess að Whoopi mun dvelja á Ísafirði alla hátíðina. Á morgun verður birt einkaviðtal Kómedíuleikhússins við Whoopi Goldberg hér á Act alone vefnum.
Lesa

---

30.03.2008 17:15 | Almennt

ACT ALONE 2008 ALLT AÐ GERAST

Það styttist óðum í Act alone 2008 og er dagskráin alveg að smella saman. Óhætt er að segja að dagskráin hafi aldrei verið jafn glæsileg og nú í ár auk þess sem ýmsar nýjungar verða kynntar til sögunnar. Það er líka vel við hæfi að Act alone 2008 verði flott því þetta er fimmta hátíðin sem er haldin og því rétt að halda soldið uppá það. Í apríl hefst formleg kynning á Act alone 2008 og munum við hafa þann háttinn á að kynna hverja sýningu hátíðarinnar fyrir sig hér á vefnum. Jafnframt verður ýmsum einleiknum fréttum skotið inn og þannig munum við halda áfram allt fram að hátíð og þannig stytta biðina. Act alone 2008 verður haldin dagana 2. - 6. júlí á Ísafirði. Það eru því spennandi tímar framundan hér á vefnum og von á mörgum einleiknum fréttum þangað til má benda áhugasömum á allt einleikna lesefnið hér á vefnum þar sem má lesa greinar um þekkta einleikara auk þess er birtur bókainnkaupalisti einleikarans að ógleymdum viðtölum við íslenska einleikara. En við skulum hita upp með því að birta hér mynd af einni af sýningum Act alone 2008. Hér er á ferðinni galdrakarlinn Siggi Atla í leiknum Álfar tröll og ósköpin öll og verður leikurinn kynntur nánar í apríl.

Lesa

---

07.03.2008 12:36 | Almennt

ELFAR LOGI OG ACT ALONE FENGU MENNINGARVERÐLAUN DV

Það var gleðidagur í herbúðum Kómedíuleikhússins í vikunni, nánar tiltekið miðvikudaginn 5. mars þegar Menningarverðlaun DV voru afhent. Einsog Kómedíuvinir sjálfsagt vita þá var Kómedíuleikarinn, Elfar Logi Hannesson, tilnefndur til Menningarverðlauna DV í flokki leiklistar. Var hann tilnefndur fyrir leiklistarhátíðina Act alone á Ísafirði sem hefur verið haldin síðan 2004 og er enn í dag eina árlega leiklistarhátíðin á Íslandi. Mikið þótti Kómedíu nú vænt um þessa tilnefningu frá DV fólkinu enda eru þessi Menningarverðlaun söguleg og stórmerkilegt framtak hjá dagblaðinu. Menningarverðlaun DV voru kunngerð á Hótel Borg og hlaut Kómedíuleikarinn sérstök Netverðlaun Menningarverðlauna DV. En lesendum dv.is var boðið uppá að kjósa sitt uppáhald af þeim fjölda listamanna sem tilnefndir voru. Það verður að viðurkennast að sá Kómíski átti alls ekki von á þessu og var nærri búinn að missa Sprite glasið sem hann hélt á í hendinni í gólfið svo mikið varð honum um þegar verðlaunin voru tilkynnt. Vá, maður segir nú bara ekki meira. Að finna svona stuðning frá fólkinu í landinu er alveg ómetanlegt. Act alone er greinilega hátíð fólksins og ljóst að margir fíla það í botn sem þar hefur verið gert. Kómedíuleikhúsið þakkar ykkur öllum og hlakkar til að sjá ykkur á Act alone í sumar dagna 2. - 6. júlí. Þið eruð best.

Lesa

---

28.02.2008 16:43 | Almennt

KÓMEDÍULEIKARINN OG ACT ALONE TILNEFND TIL MENNINGARVERÐLAUNA DV

Kómedíuleikarinn, Elfar Logi Hannesson, hefur verið tilnefndur til Menningarverðlauna DV. Tilnefningar voru birtar í DV í gær, miðvikudag, en í ár er einmitt verið að endurvekja þessi merku menningarverðlaun sem legið hafa í dvala í eitt ár. Kómedíuleikarinn er tilnefndur vegna leiklistarhátíðarinnar Act alone. Eru þetta mikil gleðitíðindi og um leið mikil viðurkenning á Act alone og því starfi sem þar hefur verið unnið. Menningarverðlaun DV eru veitt í sjö flokkum og eru fimm tilnefndir í leiklistinni. Í umsögn Menningarverðlauna DV um Kómedíuleikarann segir eftirfarandi:
Elfar Logi Hannesson - Act alone
Einleikjahátíðin Act alone sem er eina reglubundna leiklistarhátíðin á Íslandi, hefur verið haldin á Ísafirði síðan 2004 og er að langmestu leyti framtak eins manns, Elfars Loga Hannessonar. Þar hefur komið fram fjöldi einleikara, bæði innlendra og erlendra, með verk af mjög ólíku tagi. Hátíðin hefur aukið á fjölbreytni íslensks leiklistarlandslags og er einnig mikilsvert framlag til menningarlífs á Vestfjörðum.
Auk Kómedíuleikarans eru þessir tilefndir til Menningarverðlauna DV í leiklist: Baltasar Kormákur/Þjóðleikhúsið - Ivanov, Kristján Ingimarsson - Frelsarinn, Guðrún Ásmundsdóttir - Ævintýri í Iðnó, Vytautas Narbutas - Leikmyndir í Degi vonar, Killer Joe og Gosa. Á vef DV www.dv.is er listi yfir alla sem tilnefndir eru til Menningarverðlauna DV og þar fer einnig fram kosning meðal lesenda vefsins sem geta valið úr einn af þeim sem eru tilnefndir til verðlaunanna. Megið alveg merkja við Kómedíuleikarann. Takk.
Lesa

---

03.02.2008 20:59 | Almennt

LEIKLISTARRÁÐ STYRKIR EKKI ACT ALONE

Þá er komið í ljós að Leiklistarráð, sem úthlutar árlega styrkjum til atvinnuleikhópa og starfar á vegum Menntamálaráðuneytis, hugnast ekki að styrkja Kómedíuleikhúsið þetta árið. Já allt árið því ráðið úthlutar bara einu sinni á ári og má því segja að nú verði að þreyja þorrann nokk lengi. Kómedíuleikhúsið sótti um styrk vegna Act alone leiklistarhátíðarinnar á Ísafirði 2008 sem er eina árlega leiklistarhátíðin á Íslandi. Leiklistarráð hafnar umsókn Kómedíuleikhússins og þá jafnframt um leið má segja að ráðið hafni Act alone leiklistarhátíðinni. Þetta má telja nokk Kómíska ákvörðun hjá Leiklistarráði sem hefur einmitt með styrki til leiklistarmála að gera og hefur ekki áhuga á að styrkja leiklistarhátíð. Þá einu sinnar tegundar hér á landi og bíður uppá vandaðar erlendar og innlendar sýningar. Hins vegar styrkti Leiklistarráð Act alone hátíðina í fyrra um 900.000.- krónur og því er þessi ákvörðun núna mun undarlegri að vilja þá ekki styrkja hátíðina áfram. Af hverju var hátíðin þá styrkt í fyrra? Er nóg að styrkja hana bara einu sinni þegar um árlega hátíð er að ræða. Hvernig á líka að vera hægt að byggja upp leiklistarhátíð ef aðeins er horft á eitt ár í einu. Þetta hlýtur að kalla á skýringar frá Leiklistarráði og um leið er mikilvægt að fá uppá borðið hver sé stefna Leiklistarráðs. Mikið væri nú gaman að fá að sjá það á blaði en það hlýtur að vera réttur okkar sem sækja þar um. Þegar stefnan kemur í ljós geta þá leikhúsin séð hvort verkefni þeirra hefur einhverja möguleika eða ekki. Um leið væri líka verið að spara mikinn tíma bæði umsækjanda og ráðið sjálft.  Ljóst er að þessi ákvörðun Leiklistarráðs setur stórt strik í framtíð Act alone leiklistarhátíðarinnar. Einsog er stefnir í að hátíðin í ár verði sú síðasta í sögu Act alone. Því miður. Hátíð sem þessa er ekki hægt að starfrækja nema Menntamálaráðuneytið komi að málum og þá er bara spurning hvort það sé einhver áhugi fyrir því að hafa leiklistarhátíð á Íslandi eða ekki? Samkvæmt nýjustu fréttum er svo ekki og harmar Kómedíuleihúsið mjög þá ákvörðun. Kómedíuleikhúsið mun þó ekki leggja árar í bát á svona kómískan hátt og bíður nú eftir viðbrögðum frá Menntamálaráðuneytinu aka Leiklistarráði. En því miður og að fenginni reynslu mun vera erfitt að fá svör þaðan en maður verður þó að reyna.
Lesa

---

25.01.2008 13:41 | Almennt

NÝTT Á SÍÐUNNI

Það er mikið líf hér á Act alone heimasíðunni þó enn séu nokkrir mánuðir í næstu hátíð enda fullt að gera í einleikjaheiminum allt árið um kring. Mikið af nýju efni er nú komið inná síðuna. Fyrst ber að nefna nýtt Einleikið viðtal sem að þessu sinni er við einleikarann og Stoppleikhússtjórann Eggert Kaaber. Kappinn sá hefur sett á svið nokkra einleiki m.a. Palli var einn í heiminum og Þrymskviða og Iðunnareplin sem hafa báðir verið sýndir á Act alone. Eggert segir ekki bara frá glímunni við einleikin heldur einnig frá leikhúsinu sínu Stoppleikhópnum. Viðtalið við Eggert er þriðja einleikna viðtalið sem birtist hér á vefnum en áður hafa þau Hörður Torfa og Hallveig Thorlacius verið á eintali og má einnig lesa þau hér á síðunni. Einnig hafa bæst við fjölmargar nýjar greinar um þekkta einleikara og má lesa þær hér undir flokknum Um einleiki. Meðal nýrra einleikara í safninu má nefna Julie Harris, George Alexander Stevens og Emlyn Williams. Kómedíuleikarinn hefur einsog og á þessu sést verið í einleiknu ritarastuði og má búast við nokkrum greinum til viðbótar næstu misseri einnig er hann að viða að sér erlendum einleikjum sem hafa verið settir hér á svið og búa til viðeigandi lista um það. Fylgist því vel með hér á Act alone heimasíðunni og munið að lesturinn styttir biðina eftir Act alone 2008.
Lesa

---

17.01.2008 17:27 | Almennt

ACT ALONE 2008 - EINLEIKIR ÓSKAST

Leiklistarhátíðin Act alone á Ísafirði verður haldin dagna 2. - 6. júlí í sumar og er þetta fimmta árið í röð sem hátíðin er haldin. Act alone er eina árlega leiklistarhátíðin á Íslandi og er aðgangur ókeypis en sá háttur hefur verið hafður á frá upphafi. Það er Kómedíuleikhúsið sem stendur fyrir Act alone og er Kómedíuleikarinn listrænn stjórnandi gleðinnar. Undirbúningur fyrir Act alone 2008 er langt kominn og vinnur nú listrænn stjórnandi hátíðarinnar að mótun dagskrárinnar. Þeir sem hafa áhuga á að koma með einleik eða einleikna uppákomu á Act alone 2008 eru beðnir um að setja sig í samband við hátíðarhaldara á netfangið komedia@komedia.is Act alone hátíðin hefur stækkað ár frá ári í fyrra var t.d. myndlistin tekin inn á dagskrána þegar boðið var uppá sýningu á verkum tveggja einfara í íslenskri myndlist. Í ár bætast tvær nýjar listgreinar inní Act alone flóruna það er dans og tónlist. Act alone er því ekki aðeins leiklistarhátíð heldur er hún nú orðin fjölbreytt listahátið. Act alone hefur þegar sannað tilgang sinn og er í dag ein stærsta listahátíðin á landsbyggðinni. Þegar hafa verið bókaðar tvær einleiknar danssýningar og einnig verður boðið uppá einleik á fiðlu. Fjölmagir íslenskir einleikir verða á dagskrá Act alone 2008 og allaveg tvær erlendar gestasýningar þar á meðal er verðlaunasýning frá Búlgaríu sem nefnist Chick with a Trick. Nánari upplýsingar um Act alone s.s. dagskrá fyrri hátíðar, um hátíðarhaldara sem og ýmiskonar fróðleik um einleikjaformið má finna hér á heimasíðunni.
Lesa

---

13.01.2008 19:41 | Almennt

BÚLGÖRSK VERÐLAUNASÝNING Á ACT ALONE Í SUMAR

Dagskrá Act alone 2008 er óðum að taka á sig mynd og er óhætt að segja að framundan sé skemmtileg hátíð. Act alone verður haldin dagana 2. 6. júlí 2008 á Ísafirði og er þetta í fimmta sinn sem hátíðin er haldin. Þegar er búið að bóka marga innlenda leiki og einnig erlenda. Act alone kynnir nú með stollti einn af erlendu leikjum komandi hátíðar. Leikurinn heitir Chick with A Trick og hefur verið sýndur víða um Evrópu og hlotið fjölda verðlauna á leiklistarhátíðum. Sýningin var m.a. á Albamóno hátíðinni í Albaníu, þeirri sömu og Gísli Súrsson var á og hlaut þar verðlaun, og var leikkona sýnignarinnar valin sú besta á hátíðinni. Einnig hefur sýningin hlotið verðlaun á Alþjóðlegu brúðuleikhúshátíðinni í Búlgaríu og á Gala Star í Rúmeníu. Chick With a Trick er bráðskemmtileg brúðuleiksýning fyrir alla fjölskylduna en verkið er byggt á ævintýri eftir Margarit Minkov svipar efnið nokkuð til Litla ljóta andarungans. Hér er það hins vegar hæna sem er í aðalhlutverki og er ekki allskostar ánægð þegar undarlegt egg verður undir henni. Hún fer því á stúfana og leitar ráða um hvað skal gera við þetta undarlega egg. Höfundur og leikstjóri er Petar Todrov og leikkonan er Desislava Mincheva. Saman skipa þau leikhópinn Prac, Pro Rodopi Art Centre, í Búlgaríu. Meðfylgjandi eru myndir úr sýningunni og einsog sjá má er hér á ferðinni bráðfjörug sýning.






Lesa

---

13.12.2007 14:50 | Almennt

NÝTT EFNI

 Meistari Hal Holbrook.
Þeim fjölgar ört einleikaragreinunum hér á heimasíðu Act alone enda er það einn megin tilgangur Kómedíuleikhússins að kynna einleikjaformið á Íslandi með því að birta greinar um einleikara og um allt einleikið þar í kring. Leikarinn sem nú er kynntur er reyndar helst þekktur á hvíta tjaldinu hér á landi en hann hefur leikið í fjölmörgum kvikmyndum og sjónvarpsþáttum. Hann hefur aðeins leikið í einum einleik en þrátt fyrir það er hann einn helsta stjarna einleikjaformsins síðustu hálfu öldina. Leikarinn hefur nefnilega sýnt leikinn í yfir fimmtíu ár og er enn að. Einleikurinn heitir Mark Twain Tonight og fjallar um skáldið orðheppna sem samdi m.a. söguna um Stikkisberjafinn. Leikarinn sem er einnig höfundur þessa vinsæla leiks heitir Hal Holbrook og má lesa greinina um hann hér á heimasíðu Act alone undir liðnum Um einleiki. Það er að vanda Kómedíuleikarinn sem ritar greinina. Með ósk um einleikinn lestur.

Lesa

---

06.12.2007 18:21 | Almennt

NÝTT Á HEIMASÍÐUNNI

Enn bætist í einleikara safnið hér á Act alone vefnum. Nú er kynntur til sögunnar bandarískur leikari sem fékk viðurnefnið Konungur einleikjanna eftir að hafa slegið í gegn í þremur einleikjum í röð. Um er að ræða leikarann James Whitmore sem leikur þrjár sögufrægar persónur í jafnmörgum leikjum. Þar eru á ferðinni tveir fyrrum forsetar Bandaríkjanna og svo einn vinsæll skemmtikraftur. Whitmore hefur leikið í fjölmörgum kvikmyndum, sjónvarpsmyndum og þáttum. Greinina um James Whitmore er að finna í liðnum Um einleiki en þar eru allir einleikararnir komnir saman má þar nefna Eric Bogosian, Dave Allen og Steingerði Guðmundsdóttur. Það er Elfar Logi Hannesson sem ritar greinarnar um einleikarana.
Lesa

---

15.10.2007 18:06 | Almennt

NÝTT Á ACT ALONE VEFNUM

Enn einn einleikarinn hefur bæst í einleikjagreinasafnið. Að þessu sinni er það frakkinn Marcel Marceau einn mesti látbragðsleikari síðustu aldar og mikill áhrifavaldur. Marceau fékkst mikið við einleikinn í gerfi trúðsins Bip og skapaði ógelymanlegar sýningar sem nutu vinsælda um heim allan. Hann starfrækti eigin látbragðsleikhóp sem var jafnfarmt eini leihópur sinnar tegundar og einnig rak Marceau eigin látbragðsleiklistarskóla í París. Marcel Marceau andaðist 22. september síðastliðin og verður hans sárt saknað í listaheiminum. Greinina um Marcel Marceau er að finna undir Um einleiki.
Lesa

---

25.09.2007 10:21 | Almennt

NÝTT Á HEIMASÍÐUNNI

Það er komin ný grein um einleikara hér á heimasíðuna og er nú flokkurinn orðin nokkuð stór og myndarlegur vöxtum. Að þessu sinni er fjallað um einleikarann og rithöfundinn Cornelia Otis Skinner sem gerði það gott í listaheiminum uppúr 1920 og starfaði með miklum krafti næstu áratugina. Sennilega hringir meðfylgjandi mynd einhverjum bjöllum hjá lesendum enda hefur hún verið vinsæla söluvara í heila öld eða svo. Meðfylgjandi mynd er einmitt úr einum einleikja Skinner sem nefnist Paris '90. Segja má að Skinner hafi fylgt í fótspor Ruth Draper enda báru áhorfendur hana saman við einleikjadífuna í upphafi feril síns. Skinner átti þó eftir að fara eigin leiðir í einleiknum og ná langt svo ekki sé minnst á öll ritverkin hennar. Að vanda eru einleikaragreinarnar í flokknum Um einleiki. Góðan lestur.
Lesa

---

03.09.2007 11:52 | Almennt

NÝTT Á HEIMASÍÐUNNI

Þó enn sé langt í næstu Act alone leiklistarhátíð þá er heimasíðan í fullu fjöri og alltaf að bætast eitthvað einleikið inn. Má þar nefna grein um einleikjakonuna Beatrice Herford sem vakti mikla athygli fyrir leiki sýna og þá ekki síst fyrir að hún væri kona en í upphafi síðustu aldar voru leikkonur sjaldséðar í einleikjamafíunni. Margar leikkonur fylgdu í kjölfar hennar og gerðu það gott í einleiknum má þar nefna dífuna Ruth Draper en um hana má einnig lesa hér á heimasíðunni. Nýtt einleikið viðtal er líka væntanlegt en að þessu sinni verður Eggert Kaaber, Stoppleikari, á eintali. Undirbúningur fyrir Act alone 2008 er hafinn á fullum krafti og eru umræður hafnar við nokkra erlenda leikara en ekkert fast í hendi ennþá. Stefnt er að því að fá 2 - 3 erlendar sýningar á Act alone að ári. Act alone 2008 verður haldin dagana 2. - 6. júlý takið því fram dagatal næsta árs og merkið vel við þessa daga. Þangað til er hægt að ramba hér um síðuna og fræðast um einleikjaformið.
Lesa

---

03.07.2007 13:18 | Almennt

ACT ALONE 2007 VAR EINLEIKIN SKEMMTUN

Þá er Act alone 2007 lokið. Það er óhætt að segja að hátíðin hafi heppnast vel í alla staði. Sólin skein glatt alla hátíðisdagana en þrátt fyrir það voru gestir duglegir að mæta á sýningar. Enda var dagskrá hátíðarinnar sérlega vegleg og sýningar í boði fyrir alla aldurshópa. Boðið var uppá um 20 sýningar þar af tvær erlendar og einn útvarpseinleik. Tvö námskeið voru haldin og voru þau bæði fullsetinn. Einnig var haldin fyrirlestur um einleikara, einleikin myndlistarsýning og málþing um einleikjaformið. Bókamarkaðurinn var á sínum stað og einnig voru seldir sérstakir Act alone minjagripir. Þórunn Jónsdóttir listakona gerði gripi úr gleri nælur, hálsmen og segla með merki Act alone. Act alone bolir voru einnig á boðstólnum og er skemmst frá því að segja að þeir seldust upp. Kómedíuleikhúsið vill þakka öllum sem komu að Act alone 2007 kærlega fyrir þeirra framlag. Fyrst ber að þakka öllum listamönnunum sem komu fram á hátíðinni. Styrktaraðilum er þakkað fyrir að hafa trú á þessu verkefni en í þeim röðum eru fjölmörg fyrirtæki, Ísafjarðarbær, Leiklistarráð og Minningarsjóði Margrétar Björgólfsdóttur. Morranum á Ísafirði, Tónlistarskóla Ísafjarðar, Tónlistarfélagi Ísafjarðar og fullt af einstaklingum sem lögðu okkur lið án ykkar hefði Act alone 2007 ekki verið jafn skemmtilega einleikin og hún var. Starfsmönnum hátíðarinnar þeim Sæla og Jóa sem stóðu vaktina alla Act alone dagana með stakri príði. Strákar þið eru bara snillingar, þúsund takk. Síðast en ekki síst ber að þakka áhorfendum sem streymdu á Act alone 2007 takk fyrir að koma og taka þátt í ævintýrinu með okkur. Act alone er komin til að vera það er alveg ljóst. Undirbúningur fyrir Act alone 2008 er þegar hafinn og eru listamenn er hafa einleik í fórum sínum hvattir til að hafa samband við okkur. Þegar eru komnir nokkir leikir á dagskrá og margt fleira einleikið er í burðarliðnum. Einnig eru allir hvattir til að senda inn einleiknar hugmyndir fyrir Act alone 2008 hvort heldur eru hugmyndir að sýningum sem ykkur langar að fá á hátíðina eða eitthvað annað skemmtilegt. Gerum Act alone 2008 að enn stærri hátíð. Act alone 2008 verður haldin dagana 2. - 6. júlí. Sjáumst.
Lesa

---

27.06.2007 01:17 | Almennt

ACT ALONE HEFST Í DAG

 Gísli Súri Leikur einn
Þá er stór dagurinn loksins runnin upp. Act alone 2007 hefst í dag og framundan er einleikin stemning en dagskráin hefur aldrei verið jafn viðamikil og nú í ár. Fjölmargar sýningar og ekki bara einleiknar heldur verður einnig boðið uppá einn tvíleik. Tvö námskeið verða haldin, fyrirlestur um einleikara, einleikin myndlistarsýning og málþing um einleikjaformið. Act alone 2007 verður sett í Alþýðuhúsinu á Ísafirði í kvöld kl. 20. Opnunarsýning Act alone er heimildarmyndin Leikur einn eftir Jóhannes Jónsson sem fjallar um Act alone og einleikjaformið. Myndin var sýnd í Sjónvarpinu síðastliðið haust og á kvikmyndahátíð á Egilsstöðum í vetur. Að sýningu lokinni verður skundað yfir í Hamra, sal Tónlistarskóla Ísafjarðar, og þar verður boðið uppá léttar veitingar og einleikna stemningu. Síðan verður boðið uppá Kokteilleikhús þar sem boðið verður uppá tvo stutta einleiki. Nefndarformaðurinn og Álitsgjafinn sem báðir eru eftir Benóný Ægisson. Leikarar eru Árni Ingason og Marta Sif Ólafsdóttir. Leikstjóri er Elfar Logi Hannesson en leikirnir voru sýndir á einleikjakvöldi Litla Leikklúbbsins á Ísafirði í vetur við góðar undirtektir. Von er á fjölda gesta á hátíðina og enn fremur er það von Kómedíuleikhússins að Vestfirðingar fjölmenni á Act alone nú í ár einsog þeir hafa gert á fyrri hátíðum. Act alone bæklingnum hefur verið dreift í öll hús á Vestfjörðum en einnig verður hægt að nálgast eintak í Hömrum í Act alone bókabúðinni en einsog lesendum er kunnugt þá er einnig haldin leikbókmenntabókamarkaður á Act alone. Ennfremur er rétt að geta þess að þar má einnig versla minjagripi Act alone, hálsmen, nælur og einleikna boli. Kómedíuleikhúsið hlakkar til að sjá ykkur öll á Act alone og vonar um leið að þið eigið eftir að skemmta ykkur vel á hátíðinni.
Einleikna skemmtun.


Lesa

---

22.06.2007 17:44 | Almennt

ACT ALONE MINJAGRIPIR

Listakonan Þórunn Jónsdóttir í Rammagerðinni á Ísafirði hefur hannað og gert sérstaka minjagripi fyrir Act alone. Um er að ræða tvennskonar minjagripi úr gleri sem báðir prýða merki Act alone. Annar gripurinn er hálsmen en hinn er næla. Verða þeir til sölu á Act alone á einleiknu verði. En þetta er ekki allt því vegna sérlega góðrar veðurspár fyrir Act alone 2007 er nú verið að gera sérstaka Act alone boli. Þeir verða í græna Act alone litnum með merki hátíðarinnar að framan og að aftan eru hin fleygu orð Gretu Garbo rituð: ,,I want to be alone." Act alone bolirnir ásamt hálsmenunum og nælunum verða til sölu alla Act alone hátíðina. Rétt er að geta þess að upplag er ekkert rosa stórt og því um að gera að vera snöggur til í upphafi hátíðar og tryggja sér Act alone bol og minjagripi á einleiknum verði.
Lesa

---

20.06.2007 16:44 | Almennt

ENN ER HÆGT AÐ SKRÁ SIG Á NÁMSKEIÐIN

Mjög góð skráning hefur verið á námskeiðin tvö sem verða á Act alone í sumar. Aðeins örfá sæti eru laus á námskeið Ole Brekke sem nefnist Einleikur og verður þar unnið með einleikjaformið frá A til Ö. Á brúðuleikhúsnámskeið Helgu Arnalds eru 10 sæti laus og er óhætt að mæla með þessu námskeiði. Nánari lýsing á námskeðinu er hér að neðan. Til að skrá sig þarf aðeins að senda tölvupóst á netfang Kómedíuleikhússins komedia@komedia.is Hér kemur lýsing á námskeiði Helgu:

Brúðuleikhúsnámskeið
Kennari: Helga Arnalds, brúðuleikari
Tími: 28. júní - 30. júní
Kennslustundir: 9
Verð: 10. þúsund

Við lifum á tímum sem einkennast af nálgun, samruna og hverfandi landamærum. Allt má blanda saman nýju og gömlu, myndlist, orðum tónlist, leiklist, kvikmyndalist og dansi. Allar greinar listarinnar hafa orðið fyrir áhrifum af þessum straumum. Brúðuleikhús er kannski sú listgrein sem hefur orðið fyrir mestum breytingum á stuttum tíma. T.d. var litið á það sem fúsk eða stórslys - ef ekki beinlínis klúrt - ef sást í brúðustjórnanda fyrir svona 30 árum. En þetta skref fram fyrir skerminn leysti nýja krafta úr læðingi og kom af stað spennandi ferli.
Hvert tímabil á sér sínar forsendur og það var sú tíð að brúða sem hreyfðist, að því er virtist af sjálfu sér, var galdri líkust, en í dag - á tímum tölvunnar - er galdurinn fólginn í öðru en hreyfitæknni brúðunnar. Nú er kveikjan að galdurinn er fólginn meira í sambandinu milli brúðu og leikara. Milli efnis og anda. Myndmál er að sækja á gagnvart orðinu og leiksýningar smám saman að verða myndrænni. Snertipunktur myndlistar og leiklistar er að verða meira áberandi og enmitt á þessum snertipunkti er brúðuleikhúsið.
Á námskeiðinu gerir hver þátttakandi eina brúðu sem getur verið hans "alter ego" eða æðra sjálf hluti af honum sjálfum. Hans besta, versta ósýnilegasta, draumkenndasta hlið sem hann myndgerir og tjáir með brúðunni.
Helga Arnalds hlaut menntun sína í leiklistarháskólanum Instituto del Teatro í Barcelona og í leiklilstarháskólanum DAMU í Prag. Hún stundar nú myndlistarnám við Listaháskóla Íslands. Helga hefur rekið leikhúsið 10 fingur í ein 12 ár en auk þess hefur hún leikstýrt, hannað búninga, brúður og grímur fyrir ýmis leikhús og sjónvörp.
Lesa

---

13.06.2007 12:15 | Almennt

ACT ALONE ER ALVEG RÉTT BRÁÐUM

 Úr sýningunni Mr. Tross
Í dag eru aðeins tvær vikur í Act alone. Undirbúningur hefur staðið yfir frá því síðasta haust eða kannski réttara að segja að hann hafi hafist daginn eftir að Act alone 2006 lauk. Allt hefur gengið vel, búið er að bóka flug fyrir alla þátttakendur, gistingu og þessa dagana er verið að senda fréttatilkynningu á fjölmiðla um dagskrá hátíðarinnar. Hönnuður Kómedíu situr nú sveittur við að gera hátíðarbækling Act alone 2007 og kemur bæklingurinn glóðvolgur úr prentun eftir viku. Að þessu sinni verður honum dreift í öll hús á Vestfjörðum og því ættu allir að geta planað dagana vel en svo er líka bara hægt að koma strax í upphafi og vera alla hátíðina og sjá um 20 einleiki, sækja námskeið, fyrirlestra ofl. á fimm dögum. Ekki þarf að hafa áhyggjur af monnímálum því að vanda er ókeypis á Act alone. Í síðustu viku byrjuðu sérstakar Act alone fréttir í BB blaðinu og munu þær birtast vikulega fram að hátíð. Enn eru nokkur sæti laus á leiklistarnámskeiðin en þó réttara að fara að skrá sig áður en þau verða fullsetinn. Það verður sannarlega gaman í einleikjabænum eftir tvær vikur og ég hlakka til að sjá ykkur öll. Þeir sem eiga erfitt með að bíða eftir að fá Act alone bæklinginn í hendur þá er hægt að nálgast dagskrá Act alone 2007 hér til hliðar.
Lesa

---

07.06.2007 12:07 | Almennt

NÝTT EINLEIKIÐ VIÐTAL

Nýtt einleikið viðtal hefur nú bæst í tengilinn "Einleikin viðtöl" og að þessu sinni er það búðuleikkonan Hallveig Thorlacious sem í nokkurn tíma hefur fengist við einleikjaformið. Hallveig rekur leikhúsið, Sögusvuntan, sem sérhæfir sig í einleikjum. Hallveig segist hafa haft mikin áhuga á leiklist og sérstaklega brúðuleikúsum frá unga aldri og hefði stundað þess háttar nám ef boðið hefði verið uppá það, en í staðin lærði hún af reynslunni. Hallveig hefur tvisvar sinnum tekið þátt í Act Alone hátíðinni og mun einnig flytja eitt verka sinna á hátðinni í ár en það er verkið Smjörbitasaga sem hefur notið vinsælda jaft á Íslandi og Grænlandi.

Lesa

---

21.05.2007 09:44 | Almennt

STYRKTARAÐILAR ÓSKAST

Kómedíuleikhúsið vinnur nú að því að fá styrktaraðila við Act alone 2007 sem verður haldin dagana 27.júní - 1.júlí. Að vanda er ókeypis inná hátíðina og hefur aðsóknin verið alveg einleikin. Á síðasta ári var t.d. fullt á allar sýningar og stundum var svo þétt setið að áhorfendur þurftu að sitja á gólfinu. Það er því ekki amalegt fyrir skemmtileg fyrirtæki að styrkja hátíð á borð við Act alone. Það kostar nebblega nokkuð marga monnípeninga að halda svona festival. Þegar hafa mörg góð fyrirtæki ákveðið að styrkja hátíðina í ár má þar nefna Hamraborg, SKG veitingar, Orkubú Vestfjarða, Landsbankann, Landflutninga og Lífeyrissjóð Vestfjarða. Þeir sem leggja hátíðinni lið fá nokkuð fyrir sinn snúð því bæði er þeim gerð skil hér á heimasíðunni og í hátíðarbæklingi Act alone sem kemur út 20. júní. Þar fyrir utan er verið að styrkja einu árlegu leiklistarhátíðina á Íslandi sem og verið að efla lista- og menningarstarf á landsbyggðinni. Áhugasamir, stórir sem smáir, leggið okkur lið og gerum Act alone að ennbetri hátíð.
P.s. herra/frú forstjóri þú getur sent mér tölvupóst á netfangið komedia@komedia.is eða hringt í mig í sima 8917025, allir styrkir eru vel þegnir ekkert því miður svar á þessum bæ.
Einleikin kveðja,
Elfar Logi Hannesson, einleikari
Lesa

---

10.05.2007 19:23 | Almennt

SKRÁNING Á LEIKLISTARNÁMSKEIÐIN HAFIN

Nú er hafin skráning á leiklistarnámskeiðin sem verða á Act alone í sumar. Boðið verður uppá tvö námskeið að þessu sinni og er óhætt að mæla með þeim báðum enda reyndir kennarar þar á ferð. Ole Brekke, skólastjóri The Commedia School í Danmörku, verður með námskeið er nefnist Einleikur eða Act alone og verður þar farið í undirstöðu atriði þess að standa einn á sviði. Helga Arnalds, brúðuleikari, verður með brúðuleikhúsnámskeið þar sem unnið verður bæði við að búa til brúður og að leika með brúður. Nánari upplýsingar um námskeiðin er á Act alone 2007 hér á síðunni. Þátttakendafjöldi á námskeiðin er takmarkaður og því eru áhugasamir hvattir til að skrá sig sem fyrst til að missa ekki af fjörinu. Það er auðvelt að skrá sig sendu tölvupóst á netfangið komedia@komedia.is og tilgreindu á hvort námskeiðið þú villt fara. Að vanda er þáttökugjaldið alveg einleikið eða aðeins 10 þúsund pr námskeið.
Lesa

---

22.04.2007 14:51 | Almennt

DAGSKRÁ ACT ALONE 2007 KOMIN Á VEFINN

 Meðal leikja á Act alone í ár er The Secret Face með Pálínu Jónsdóttur.

Þá er dagskrá Act alone 2007 orðin fullmótuð og komin hér á vefinn undir liðnum Act alone 2007. Þetta er fjórða árið í röð sem Kómedíuleikhúsið blæs til einleikjahátíðarinnar Act alone á Ísafirði. Hátíðin hefur nú verið lengd um einn dag og stendur gleðin nú yfir í fimm daga. Leikurinn hefst miðvikudaginn 27. júní og lýkur sunnudaginn 1. júlí. Það eru engar ýkjur að segja að aldrei hafi dagskrá Act alone verið jafn glæsileg og viðamikil. Fjöldi sýninga hefur að vanda margfaldast og verður úrvalið fjölbreytt og einleikið. Af leikjum Act alone 2007 má nefna Sólarsaga sem er úr smiðju Helgu Arnalds og leikhús hennar Tíu fingur, Skrímsli nýr einleikur Kómedíuleikhússins og The Seacret Face eftir Elísabetu Jökulsdóttur. Tveir erlendir leikir verða á Act alone að þessu sinni. Fyrst ber að nefna Ole Brekke, frá Danmörku, sem kemur með nýtt ævintýri Otomoto en Actalonerar kynntust einmitt þeim kappa á síðustu hátíð. Hinn leikurinn kemur frá Eistlandi og er þar á ferð leikarinn Toomas Tross en leikur hans nefnist einfaldlega Mr. Tross. Fjölmargt fleira einleikið verður á Act alone 2007 má þar m.a. nefna sérstaka dagskrá um listakonuna Steingerði Guðmundsdóttur, Einleikin kona Steingerður Guðmundsdóttir. Hún vann mikið með einleiksformið á síðustu öld og verður fjallað um verk hennar og ævi auk þess verður fluttur útvarpseinleikur eftir Steingerði í samstafi við Útvarpsleikhúsið. Í næsta mánuði verður búið að dagsetja sýningar Act alone 2007 og raða dagskránni endanlega saman. Fylgist því vel með og endilega verið með okkur á Ísó Act alone helgina.

Lesa

---

14.04.2007 20:54 | Almennt

FYRSTA VIÐTALIÐ KOMIÐ Á VEFINN

Nýr liður á heimasíðunni er nú komin í gagnið. Einleikin viðtöl nefnist hann og sér einleikarinn Elfar Logi Hannesson um að taka viðtölin. Fyrsta viðmælandi hans er hinn ástsæli listamaður og einleikari Hörður Torfa. Hann hefur lengi fengist við einleiksformið og komið víða við í listinni og hefur því frá mörgu að segja. Stefnt er að því að hafa einleikið viðtal á tveggja mánaða fresti og því um að gera að fylgjast vel með Act alone síðunni.  
Lesa

---

09.04.2007 00:17 | Almennt

ACT ALONE PÓSTKORTIÐ KOMIÐ ÚR PRENTUN

Fyrsta kynningarefni Act alone 2007 er komið út. Að vanda er um póstkort að ræða en þau hafa fyllt hátíðinni og markað upphafið að kynningu hátíðarinnar hverju sinni. Póstkortinu var dreift hér vestra yfir páskana enda mikið af fólki í bænum á árlegri Skíðaviku á Ísó. Á póstkortinu er greint frá dagskrá Act alone 2007 og er hún mjög fjölbreytt og einleikin. Tvær erlendar gestasýningar verða á dagskránni önnur frá Danmörku hin frá Eistlandi. Íslensku einleikirnir eru 15 og þar af er einn útvarpsleikur úr smiðju Steingerðar Guðmundsdóttur. Auk þess verður haldin sérstök dagskrá um Steingerði en hún var mjög fjölhæf listakona sem stúderaði einleikinn mikið og bæði lék og samdi leiki. Tvö leiklistarnámskeið verða á Act alone. Fyrst ber að nefna sérstakt Einleikjanámskeið undir stjórn Ole Brekke skólastjóra The Commedia School í Kaupmannahöfn. Einnig verður haldið Brúðuleikhúsnámskeið undir stjórn Helgu Arnalds brúðuleikara. Skráning og nánari upplýsingar um námskeiðin í maí byrjun. Annað einleikið á dagskrá Act alone 2007 er Leikur einn heimildarmynd sem verður sýnd í Ísafjarðarbíói, Vestfirskir einfarar nefnist myndlistarsýning sem er alveg einleikin, einnig verða haldnir fyrirlestrar og málþing um einleikjaformið. Act alone 2007 póstkortinu verður dreift á næstunni víða um landið og líka í Reykjavík.
Lesa

---

21.03.2007 23:16 | Almennt

LEIKUR EINN Á KVIKMYNDAHÁTÍÐ

Heimildarmyndin Leikur einn eftir Jóhannes Jónsson sem fjallar um Act alone og einleikjalistina hefur verið boðið á kvikmyndahátíð. Um er að ræða hátíðina 700is Hreindýraland á Egilsstöðum sem verður haldin dagana 24. - 31.mars. Á hátíðinni verða sýndar um hundrað myndir en þess má geta að um fimm hundruð myndir bárust og er því mikil viðurkennig fyrir Jóa og kvikmyndafyrirtæki hans digi-Film að vera á hátíð sem þessari. Leikur einn verður sýnd á 700Is sunnudaginn 25. mars kl.17.15 á SKriðuklaustri þar sem boðið verður uppá fjölmargar heimildarmyndir. Aðgangur er ókeypis og því um að gera að skella sér í klaustur um helgina. Á heimasíðu 700is er kynnig á myndin en þar segir: Í þessari heimildarmynd er litið inn á alþjóðlegu leiklistarhátíðina Act Alone sem haldin er árlega á Ísafirði og skyggnst inn á það svið leikhússins sem einleikur kallast. Reynt er að öðlast innsýn í einleiksformið og fá svör við ýmsum spurningum; hvað felst í hugtakinu einleikur? hvernig finnst mönnum að glíma við þetta form? - og ekki síst: hvert er vægi hans í tilveru leikhúsins? Rætt er við aðstandendur hátíðarinnar og þáttakendur.
Leikur einn var sýnd í Sjónvarpinu síðastliðið haust. Myndin var gerð árið 2005 meðan á Act alone hátíðin stóð yfir og eru sýnd brot úr einleikjum á borð við Gísla Súrsson og Ferðir Guðríðar.

Lesa

---

03.03.2007 22:02 | Almennt

EINLEIKIN VIÐTÖL

Kómedíuleikhúsið sem stendur fyrir Act alone leiklistarhátíðinni er alltaf að pæla og spegulera í einleiksforminu. Leikhúsið hefur m.a. gefið út einleikjabókina Íslenskir einleikir sem inniheldur 11 leiki. Hér á heimasíðu Act alone er líka heilmikill fróðleikur um listformið s.s. skrá yfir íslenska einleiki sem hafa verið sýndir í atvinnuleikhúsum, greinar um þekkta einleikara og þannig mætti lengi telja. Nú hefur einleikarinn Elfar Logi fengið aðra einleikna flugu í höfuðið og mun hún lenda hér á heimasíðu Act alone innan tíðar. Hér er um að ræða röð viðtala við einleikara bæði innlenda og erlenda. Í viðtölunum verður leitast við að forvitnast um hvern einleikara fyrir sig með aðaláherslu á einleikin. Viðtölin verða á tveggja mánaða fresti og það fyrsta verður nú í marsmánuði. Fyrsti einleikarinn sem tekinn verður tali er meistari Hörður Torfa. Kappinn sá er einn af okkar ástsælustu og reyndustu einleikurum og hefur án efa frá miklu að segja.
P.s. smá frestun er á viðtalinu einsog lesendur hafa tekið eftir en góðir hlutir gerast hægt.
Lesa

---

16.02.2007 10:42 | Almennt

ACT ALONE Í VÍSINDAPORTI

Í dag, föstudag 16. feb, verður Elfar Logi Hannesson, Kómedíuleikari og Act aloneari, gestur í Vísindaporti Háskólaseturs Vestfjarða. Vísindaportið er skemmtilegt framtak setursins þar sem boðið er uppá fjölbreytta fyrirlestra vikulega í hádeginu á föstudögum. Elfar Logi mun í dag fjalla um Act alone og Kómedíuleikhúsið. Act alone þakkar Háskólasetinu fyrir gott boð og vonandi mæta sem flestir til að hlýða á erindið. Lesturinn hefst um kl. 12 og er um 20 mínútur svo verður orðið gefið laust og vonandi verða fjörugar og einleiknar umræður um leiklistarhátíðina Act alone. Sjáumst í Vísindaportinu í dag.
Lesa

---

11.02.2007 17:18 | Almennt

ACT ALONE Á ENSKU

Einsog glöggir lesendur Act alone hafa tekið eftir þá hafa verið nokkrar breytingar á síðunni og einnig viðbætur. Nú er kominn inn nýr liður Tenglar og þar eru í fyrsta lagi slóðir á nokkrar leiklistarhátiðir og í öðru lagi heimasíður einleikara allt frá Eric Bogosian til Reno. Einleikjabankinn Um einleiki er reglulega uppfærður því sífellt bætist í skrána Íslenskir einleikir semog greinar um þekkta einleikara. Nýjustu einleikara greinarnar eru um Lily Tomlin og Dave Allen. Á næstunni verður Act alone heimasíðan einnig á ensku enda ekki annað fært þar sem Act alone er alþjóðleg leiklistarhátíð. Fylgist því vel með Act alone heimasíðunni og ef ykkur dettur eitthvað einleikið í hug þá endilega sendið inn hugmyndir.

Lesa

---

01.02.2007 12:39 | Almennt

MINNINGARSJÓÐUR MARGRÉTAR STYRKIR ACT ALONE

Það er góður dagur í dag ekkert betra en að opna umslag frá styrktarsjóði þar sem stendur ekki ,,því miður...." heldur ,,það er okkur sönn ánægja...". Minningarsjóður Margrétar Björgólfsdóttur hefur ákveðið að styrkja Act alone um krónur 200. þúsund. Þetta er kærkomið framlag frá góðum sjóði og þakkar Kómedíuleikhúsið Minningarsjóðnum kærlega fyrir stuðninginn. Það er gaman til þess að vita að Act alone hefur fengið tvo góða styrki fyrir komandi hátíð. Enn vantar þó nokkra monnípeninga því kostnaður við Act alone 2007 er áætlaður um tvær millur sem er sami kostnaður og í fyrra. Vonandi berast fleiri bréf inn um lúguna hér í Túngötuna á Ísó. þar sem stendur ,,..það er okkur sönn ánægja..."

Lesa

---

11.01.2007 18:16 | Almennt

FORNBÓKAVERSLUN STYRKIR ACT ALONE

Ein skemmtilegasta verslun Reykjavíkur er komin í styrktarhóp Act alone. Eða hver kannast ekki við verslun feðganna Braga Kristjónssonar og Ara Gísla er reka Fornbókaverslunina Bókin á Klapparstíg. Þetta er verslun með sál og menn gleyma sér yfir bókakonfekti heilu og hálfu dagana og ekki sakar að viðskiptavinum er stundum boðið kaffi með. Enda getur heimsókn í búð þeirra feðga tekið í minnsta lagi klukkutíma og auðveldlega mun lengur. Stjórnandi Act alone, Elfar Logi Hannesson, kemur þar gjarnan við og hefur þar verslað nánast allt leikbókmenntasafn sitt sem er allmargar bókahillur kannski 12 metrar á lengd og 20 sentimetrar. Styrkur Fornbókaverslunarinnar Bókin felst í bókagjöf úr þeirra safni sem Act alone selur síðan á hátíðinni. Að sjálfsögðu er hér um að ræða bækur er tengjast leikhúsi og listum. Segja má að samstarfið hafi byrjað á síðustu Act alone en þá var einmitt bókamarkaður haldinn í samstarfi við Bókina og lukkaðist það vel. Hugmyndir eru uppi um að taka forskot á sæluna og vera með fonrbókamarkað á vordögum hér vestra til styrktar Act alone.

Lesa

---

09.01.2007 21:51 | Almennt

ACT ALONE FÆR GÓÐAN STYRK

Mánudagurinn 8. janúar var mjög ánægjulegur í sögu Act alone því þá fékk hátíðin kærkominn styrk. Sendingin kemur frá Leiklistarráði sem styrkir Act alone um 900.þúsund krónur. Þetta er mikil viðurkenning fyrir hátíðina og kemur sér vel fyrir komandi hátíð sem verður haldin núna í sumar. Fjórða Act alone hátíðin verður mjög vönduð og glæsileg. Þegar eru komnir margir leikir á dagskrá auk námskeiða og annað einleikið.

Lesa

---

03.01.2007 01:30 | Almennt

GLEÐILEGT ACT ALONE ÁR

Gleðilegt ár kæru einleiknu vinir og farsælt komandi Act alone ár. Já við erum byrjuð að telja niður fyrir komandi Act alone hátíð sem verður haldin í sumar, 2007, dagana 27. júní til 1. júlí. Það er óhætt að lofa einleikinni hátið og miklu fjöri í einleikjabænum Ísó. Undirbúningur fyrir Act alone 2007 hófst strax að lokinni hátið 2006. Dagskráin er farin er byrjuð að mótast og þegar er búið að bóka 10 íslenskar sýningar og eina erlenda. Einnig spennandi námskeið, einleikna myndlistar-,ljósmynda- og kvikmyndasýningu og margt fleira einleikið. Hátíðin verður sem fyrr haldin í Hömrum á Ísafirði en einnig verða sýningar víðar á Ísafirði og í Dýrafirði. Þegar vorar verður dagskrá Act alone fullmótuð.

Lesa

---

10.10.2006 10:24 | Almennt

HEIMILDARMYND UM ACT ALONE Í SJÓNVARPINU

Heimildarmynd um Act alone er nefnist Leikur einn verður sýnd í Sjónvarpinu í kvöld, þriðjudaginn 10. október kl. 21.10. Það er Ísfirska kvikmyndafyrirtækið digi-Film sem gerir myndina sem er í leikstjórn Jóhannesar Jónssonar, kvikmyndagerðamanns og aðal digimanns. Myndin var gerð á Act alone 2005. Fjallað er um hátíðina og einleikjaformið almennt. Rætt er við þátttakendur á hátíðinni og hátíðarhaldara, Elfar Loga Hannesson, leikara. Fjölmargir kunnir listamenn koma við sögu í myndinni m.a. Brynja Benediktsdóttir, Eggert Kaaber, Hallveig Thorlacius, Helga Arnalds, Hörður Torfa og Jón Viðar Jónsson. Nafn myndarinnar er eins og áður segir Leikur einn en til gamans má geta þess að Act alone hét upphaflega því nafni þegar hátíðin var fyrst haldin árið 2004. Hér er á ferðinni metnaðarfull og vönduð mynd úr smiðju digi-Film enda ekki á hverjum degi sem gerðar eru heimildarmyndir um íslenskt leikhús. Kómedíuleikhúsið vill óska Jóhannesi Jónssyni og digi-Film innilega til hamingju með myndina og frábært innlegg í umræðu um einleiksformið hér á landi. Það er ekki amalegt fyrir jafnunga hátið og Act alone að gerð sé heimildarmynd um hátíðina sem mun um leið vekja áhuga og umræðu um nauðsyn slíks ævintýris. Act alone er jú eina leiklistarhátíðin sem haldin er árlega á Íslandi. Heimildarmyndin Leikur einn er 30. mín. löng og verður eins og áður var getið sýnd í Sjónvarpinu þriðjudaginn 10. október kl. 21.10. Myndin verður síðan endursýnd á sunnudaginn 15. október kl. 15.20.
Lesa

---

14.07.2006 17:40 | Almennt

ACT ALONE 2006 VAR EINLEIKIN

Það er óhætt að segja að ACT ALONE 2006 hafi heppnast frábærlega. Hátíðin hófst þann 29. júní með stórleik Eric Bogosian þar sem hann bauð uppá rjómann úr leikjum sínum og nefndi THE WORST OF ERIC BOGOSIAN. Síðan hélt fjörið áfram með hádegisleikhúsi á föstudag þar sem Elfar Logi Hannesson og Eyvindur P. Eiríksson sýndu tvo stutta leiki úr eigin smiðju. Síðan kom hver leikurinn á fætur öðrum og lauk hátíðinni á sunnudagskvöldinu með MIKE ATTACK Kristjáns Ingimarssonar. Frábær aðsókn var á allar sýningarnar og stundum var svo þjappað að áhorfendur þurftu að standa eða sitja á gólfinu. Myndir frá hátíðinni eru hér til hliðar, Myndasafn, og segja þær meira en mörg orð um stemninguna á ACT ALONE 2006.
Lesa

---

29.06.2006 00:49 | Almennt

VELKOMIN Á ACT ALONE 2006

Þá er stóri dagurinn runninn upp. ACT ALONE hefst í kvöld og framundan er dagskrá sem verður alveg einleikin. Opnunarsýning ACT ALONE 2006 er The Worst of Eric Bogosian með Eiríki nokkrum Bogosian og hefst leikurinn kl. 21 en húsið er opnað hálftíma fyrr. Síðan heldur ævintýrið áfram á föstudag með hádegisleikhúsi, námskeiðum og tveimur einleikjum um kvöldið. Á laugardag verða sýndir hvorki fleiri né færri en fimm einleikir allt frá Mjallhvíti til Otomoto. Á sunnudag skella allir sér yfir á Þingeyri en þar verða sýndir leikirnir Gísli Súrsson og Ævintyrið um Augastein. Dagskráin er hér til hliðar undir liðnum ACT ALONE 2006. Semsagt einleikin helgi á Ísafirði alla helgina og rúsínan í pylsuendanum, ókeypis inn. Sérstakar þakkir fá allir þeir sem hafa styrkt ævintýrið bæði með seðlum, vinnuframlagi og andlegum straumum. Hlakka til að sjá ykkur á ACT ALONE.
Lesa

---

19.06.2006 11:17 | Almennt

DASKRÁ ACT ALONE 2006

Dagskrá ACT ALONE 2006 er nú komin hér á vefinn undir liðnum ACT ALONE 2006. Óhætt er að segja að dagskráin sé glæsileg með 13 einleikjum, tíu íslenskum og þremur erlendum gestaleikjum. Hæst ber koma bandaríska einleikarans Eric Bogosian sem mun hefja hátíðina með leik sínum THE WORST OF ERIC BOGOSIAN. Zeljko Vukmirca frá Króatíu mætir að nýju en hann sló heldur betur í gegn á hátíðinni í fyrra. Þriðji gesturinn er Ole Brekke sem mun sýna skemmtilegan trúðsleik er nefnist OTOMOTO. Nokkrar nýjungar eru á ACT ALONE í ár. Fyrst ber að nefna leiklistarnámskeiðin sem þeir Ole og Zeljko stjórna. Einnig verður haldin bókamarkaður með ýmsum perlum leikbókmenntanna allt frá leikritum til fræðibóka. Aðalsýningarstaðurinn á ACT ALONE er að venju í Hömrum en einnig verður leikið á Hótel Ísafirði og á Þingeyri. Kómedíuleikhúsið kynnir með stollti ACT ALONE 2006 verið velkomin í einleikjabæinn. 
Lesa

---

13.06.2006 12:58 | Almennt

STYRKTARAÐILAR ACT ALONE 2006

Vel hefur gengið að fá fyrirtæki til liðs við ACT ALONE í ár. Fjölmörg fyrirtæki af öllum stærðum og gerðum af öllu landinu hafa gert hátíðina í ár að veruleika. Það er gaman þegar styrktaraðilar sjá hag sinn í að styrkja einu árlegu leiklistarhátíðína á Íslandi og án þeirra væri þetta ekki hægt. Einsog sjá má hér á síðunni undir Styrktaraðilar er listinn glæsilegur og óhætt að segja að hér séu á ferðinni hugsjónafyrirtæki sem veita hátíðinni brautargengi. Nú síðast bættist Bónus í hópinn með mjög rausnarlegum hætti en þeir styrkja opnunarsýningu hátíðarinnar The worst of Eric Bogosian og standa straum að kostnaði við komu Eric Bogosian til landsins. Síðast en ekki síst er rétt að nefna þátt íbúa á Vestfjörðum sem styrktu Leikhúsmaraþonið á Gísla Súrssyni í síðustu viku. Það má alltaf á sig blómum bæta og nýjir styrktaraðilar eru boðnir sérstaklega velkomnir. Kómedíuleikhúsið þakkar öllum þeim fjölda fyrirtækja og einstaklinga sem hafa lagt ACT ALONE 2006 lið án ykkar væri þetta ekki hægt. Þúsund þakkir.
Lesa

---

05.06.2006 01:12 | Almennt

LEIKHÚSMARÞON - GÍSLI SÚRSSON Í SÓLARHRING

Vestfirðingar hafa löngum verið skrítnir en nú slær öllu út. Því Kómedíuleikhúsið á Ísafirði ætlar að standa fyrir allsérstöku leikhúsmaraþoni fimmtudaginn 8. júní. Einleikurinn Gísli Súrsson verður fluttur sleitulaust í einn sólarhring. Leikurinn er um klukkustunda langur og verður tekið korters hlé á milli sýninga. Gísli Súrsson verður því sýndur 19 sinnum á einum sólarhring. Þetta er ekki allt því maraþonið fer fram á söguslóðum eða í félagsheimilinu í Haukadal í Dýrafirði þar sem Gísla saga gerist að stærstum hluta. Það verður opið hús meðan á maraþoninu stendur og fólk getur því fylgst með herlegheitunum. Eftir því sem Kómedíuleikhúsið kemst næst hefur engum dottið þessi vitleysa í hug hér á landi og mun því vera um Íslandsmet í leiksýningu að ræða. Tilgangur þessa leikhúsmaraþons er að vekja athygli á einleikjahátíðinni Act alone sem Kómedíuleikhúsið stendur fyrir og verður haldin á Ísafirði dagana 29. júní – 2. júlí. Jafnframt er maraþonið fjáröflun fyrir Act alone. Hafin er áheitasöfnun fyrir maraþonið þar sem hægt er að styrkja þetta einleikna uppátæki. Stofnaður hefur verið sérstakur söfnunareikningur í Landsbankanum á Ísafirði númerið er: 0156-26-68. Allur ágóði rennur í Act alone 2006. Leikhúsmarþonið hefst kl. 12.00 á hádegi fimmtudaginn 8. júní og lýkur sólarhring síðar eða kl. 12.00 föstudaginn 9. júní. Fólk getur því notað tækifærið og valið um dags, kvölds, miðnætur eða morgunsýningu.
Einleikurinn Gísli Súrsson hefur verið sýndur við miklar vinsældir allt frá því hann var frumsýndur árið 2005. Leikari er Elfar Logi Hannesson og er hann einnig höfundur leiksins ásamt Jóni Stefáni Kristjánssyni sem leikstýrir.

Lesa

---

01.06.2006 15:06 | Almennt

ERIC BOGOSIAN TYGGJÓ

Man einhver eftir gömlu leikaramyndunum með tyggjóplötu áfastri á bakinu. Þetta varð að algjöru æði á sínum tíma og fólk safnaði stjörnum sínum í stórum stíl. Sumar voru eftirsóknaverðari en aðrar og var hægt að gera góð bítti ef maður átti vinsælar myndir til skiptana. Brátt var farið að gera tyggjómyndir með annarskonar stjörnum og þá helst úr íþróttaheiminum. Nú getur þú fengið leikaramynd með alvöru tyggjóplötu aftur því Kómedíuleikhúsið hefur gefið út mynd með leikaranum Eric Bogosian. Það er verslunin Hamraborg á Ísafirði sem gerði þetta ævintýri að veruleika en fyrirtækið er þekkt fyrir að sinna góðum og skemmtilegum verkefnum. Einsog mörgum er kunnugt verður Eric Bogosian á ACT ALONE í sumar. Hann opnar hátiðina með leik sínum THE WORST OF ERIC BOGOSIAN þann 29. júní. Myndin góða er þegar komin í dreifingu endilega grípið eintak sem fyrst því búast má við að upplagið klárist fljótt.

Lesa

---

24.05.2006 12:57 | Almennt

VELKOMIN Á ACT ALONE HEIMASÍÐUNA

Þá er heimasíða ACT ALONE leiklistarhátíðarinnar komin í loftið.
Hönnuður síðunnar er Birgir Þór Halldórsson en hann sá einnig um heimasíðu Kómedíuleikhússins. Hér er á ferðinni ungur og efnilegur Vestfirðingur og hefur hann sannarlega náð að hasla sér völl í heimasíðugerð eins og sjá má á þessari síðu. Kómedíuleikhúsið þakkar Birgi kærlega fyrir gott verk. Þessi heimasíða hefur að geyma upplýsingar um ACT ALONE allt frá fyrstu hátíð til komandi hátíðar. Einnig er rétt að benda á þáttinn Um einleiki sem er einskonar fróðleiksbanki um einleikjalistina. Síðast en ekki síst vil ég hvetja alla sem hafa hugmyndir um hvernig má gera ACT ALONE að enn betri hátið að senda inn pælingar. Vona að þið njótið heimsóknarinnar og hlakka til að sjá ykkur á ACT ALONE.
Lesa

---